2 कुरुन्थी 7 - Bagri

¹ ईंखातर हे मेरा प्यारा भाईयो अर भेनों, आपां नै ऐ भोत किमती आग्यावां मिली है तो आओ आपां आपणै तन मन नै आं बातां ऊं सुद्ध करां झिकी बाता ऊं आपणी देह अर आत्मा असुद्ध रेवै। इंया आपां परमेसर ऊं डरता होया पवितरता कानी चाल पड़ां।

पौलुस गी खुसी

² थे म्हारै खातर आपगै दिल में दया राखो क्यूंकै म्हे किंगोई बुरो कोनी करयो अर ना कीं सागै ठगी मारी अर ना किनै ठेस पोंचाई।

³ मैं थानै दोसी ठेराण खातर ओ कोनी केण लागरयो क्यूंकै मैं पेलां ई ओ के चुक्यो हूं कै थे म्हानै भोत आच्छा लागो। म्हे थारै सागै जीणै मरणै खातर तैयार हां।

⁴ मनै थारै पर भोत भरोसो अर घमण्ड है क्यूंकै थे म्हानै म्हारै सारै दुख तकलीफा में भोत होंसलों दियो अर खुस राख्या।

⁵ जद म्हे मकिदुनिया परदेस ऊं आया तो म्हारै दिल में सांती कोनी क्यूंकै म्हे चारा पासूं क्ळेस में घिरेड़ा हा, बारै लोगां गी लड़ाई ही अर मन में लड़ाई गो डर हो।

⁶ पण बो परमेसर झिको निरास लोगां नै होंसलो दैय। बण ई तीतुस नै म्हारै कनै भेजगे म्हारो बी होंसलो भदायो।

⁷ अर ना सिरफ बिंगै आण ऊं म्हानै होंसलो मिल्यो पण ओ कारण बी है कै थे बी बिंगो होंसलो भदायो हो। ईंखातर ई मेरी खुसी ओर जादा बद गी ही। क्यूंकै बण म्हारै कानी थारी लगन, थारो दुख अर म्हारी चिंता गै बारै में बी खबर दी।

⁸ भलैईं पेलां मैं आपगै खत में थानै दुखी करया पण बिंऊं मैं पछतावूं कोनी जिंया पेलां पछतावंतो। क्यूंकै मनै दिखै कै बिं खत ऊं झिको दुख थानै होयो बो पल भर गो हो।

⁹ अब मैं खुस हूं पण ईंखातर कोनी कै थानै दुख पोंच्यो पण ईंखातर कै बिं दुख गी बजह ऊं थे थारो मन बदळ्यो क्यूंकै ओ दुख परमेसर गी इच्छा ऊं हो कै म्हारी ओर ऊं थानै कोई तरियां गो नुक्सान ना पोंचै।

¹⁰ झिको दुख परमेसर गी ओर ऊं होवै बो मन बदळ दैय अर इंगो फळ मुकती होवै। हिस्यो दुख आपणै अंदर पछतावो पैदा कोनी करै पण संसार गो दुख तो मोत नै ईं पैदा करै है।

¹¹ ईंखातर देखो परमेसर गी ओर ऊं आयेड़ै दुख थारै जीवन में कितो बेगो बदळाव पैदा करयो है कै थारै अंदर अपणै आपनै निरदोस साबित करण गी चाह, किती रीस, कितो डर, किती इच्छा, कितो जोस अर न्याय गी इच्छा पैदा होगी। थे ईं तरियां ऊं ओ साबित कर दियो कै थे ईं बात में निरदोस हो।

¹² थानै लिखण में मेरो ओ मतलब कोनी कै थे ईं बात पर गोर करो। कण अन्याय करयो है अर किंगै उपर करयो है। पण मेरो मतलब ओ है कै परमेसर गी नजर में ओ साफ होज्यै कै थे म्हारै कानी किता गंभीर हो।

¹³ ईंखातर म्हानै तसली होगी अर इंगै सागै ई तीतुस गै आनंद नै देखगे म्हानै ओर बी जादा आनंद होयो क्यूंकै बिंगो मन थारै सारां गै कारण खुसी ऊं भरग्यो।

¹⁴ क्यूंकै मैं बिंगै सामै थारै लोगां पर झिको घमण्ड करयो बिं खातर म्हानै सरमिन्दा कोनी होणो पड़यो। पण जिंया म्हे थानै सारी बात सच्च सच्च कैई बिंयाई म्हारो घमण्ड दिखाणो तीतुस गै सामणै बी सच्च निकळयो।

¹⁵ जद बिनै थारै आग्याकारी होण'गी याद आवै है कै थे किंया बिनै आदर मान ऊं अपणायो तो बिंगो प्रेम थारै कानी ओर बी भोत जादा होज्यै।

¹⁶ मनै थारै पर भोत भरोसो है। ईं कारण मैं खुस हूं।