Pisomi 4 - U TIENU MAAMA TILI 2013

Pisomi 4 U Tienu yie ku tuotabigu po

¹ Bi yanyinba yudaano yani siiga yanbu. Davidi yanbu, ban yiini yaabu leni ti gogiditi.

² N yaa kpaani ki yini a, U Tienu, fini yua n tie n teginma, Ŋan tuo! N paboanli nni, a todi nni. Gbadi n po mi ninñima, ki gaa n jaandi.

³ Yinba bi niba ne, hali u laa yogunu yo, Ke yi baa teni n kpiagidi n tua fe? Hali beyogunu yo, Ke yi baa yaa bua yaa bonla n tie fanma, Ki go pua mi faama?

⁴ Yin nan bandi mani ke O Diedo gandi o nidugika. O Diedo cengi nni, N yaa kpaani ki miadi o yaa yogunu. Joma

⁵ Ba yi pala yaa fii, Yin da tieni mani tuonbiadi. Yin kpaagi mani ku ñiagu yi duani nni, Ki go yaa ŋmini suo. Joma

⁶ Padi mani yaa pada n tiegi o Diedo po. Piani mani o Diedo yi yula.

⁷ Bi niba boncianla tua: «Ŋme n baa teni tin baa mi yemanma?» Teni a nunga yenma n yendi ti, Fini o Diedo.

⁸ A puni nni yaa pamanli n cie Bi ŋalikama leni bi daama N dua yaa yogunu pamanli.

⁹ Lani n teni ke n yaa duani yaa yogunu, N baa guani leni mi yanduanma, Kelima o Diedo, fini bebe n kubi nni bonŋanla.