Pisomi 3 - U TIENU MAAMA TILI 2013

Pisomi 3 Mi faabima ña o Diedo kani

¹ Davidi yanbu. Li maadi lienni Davidi n den sani o bijua Abisalomi yaa yogunu yaa maama yo.

² O Diedo, n yibalinba yabi ki kandi. Yaaba n fii ki sedi n po yabi boncianla,

³ Bani yaaba n maadi n po ki tua: «Faabima ki ye o po U Tienu kani,» Yabi boncianla. Joma

⁴ Ama fini o Diedo, a tie n po gbankoandigu. A tie n kpiagidi, a yaadi n yuli mo.

⁵ N kpaani ki miadi o Diedo ke o gaa n miabu, Hali o joagagidikaali yuli po.

⁶ N yen duani ki guani, Ki go fundi kelima o Diedo kubi nni.

⁷ Mii jie niba tuda tuda, yaaba n fii I kaani kuli ki sedi n po.

⁸ Fii o Diedo n Tienu, ki faabi nni! A pabini n yibalinba kuli kpiani, Ki kua bi nibiadiba ñina.

⁹ Mi faabima ña o Diedo kane! A seli n yaa ye a niba po! Joma.