Pisomi 16 - U TIENU MAAMA TILI 2013

Pisomi 16 U Tienu n faabi yua leni mi kuuma jaandi

1 Davidi yanbu.

¹ Davidi yanbu. Kubi nni U Tienu, Kelima n sani ki wuoni a yaa kane.

² N yedi o Diedo: «A tie n Diedo, Fini n cie n po min pia yaa bonmoanla kuli.»

³ N bua bi niŋanba leni bi bulicinba, Yaaba n ye mi diema nni.

⁴ I buli yabidi hali boncianla, Yuakuli jaligi ki baa gedi butoe po, N kan go pa ba mi padisoama, N kan go taa bi yela mo.

⁵ O Diedo tie n biinu leni n tadiñokaaga, Min baa faa ki tua yaala kuli ye a nuu nni.

⁶ Ban boagidi ki puni nni yaala ŋani boncianla, Min baa yaala mo ŋani bonŋanla.

⁷ N baa pagi o Diedo yua n tundi nni, Ba ku ñiagu n pali bangi nni.

⁸ N nua o Diedo yogunu kuli n nintuali, O yaa ye n jienu, n kan ŋadi ki baa.

⁹ Yeni, n ye leni li pamanli N yama dua hali bonŋanla, N gbanandi fuo ke n jigi mo co,

¹⁰ Kelima a kan lu nni bi tinkpiba diema nni, A kan tuo mini a buado n le mi bedima.

¹¹ A baa teni min bandi li miali sanu, Li pamanli yabi ki kandi a nintuali, Yaa yemanma n ki pia gbenma mo ye a jienu.