Pisomi 142 - U TIENU MAAMA TILI 2013Pisomi 142 Ban wangi yua fala jaandi 1 Davidi yanbu. Li tie wan den jaandi yaa jaandi, wan den ye ku tanlongu nni yaa yogunu. 2 N kpaani ki miadi o Diedo! N kpaani ki miadi o Diedo leni n nialu kuli! 3 N cuani n miabu o nintuali, Ki doagidi o kani n paboanli. 4 N yaa coagi ki gbali yaa yogunu, Fini wani bani min caa naani. Bi dia nni ku diagu, Min baa tagini yaa sanu nni. 5 Diidi nujienu po ki le! Niloba kuli ki go bani nni. Mii go pia min baa gedi naani ki cia. Niloba ki go yagini o yama n po. 6 O Diedo, n kpaani ki miadi fine! N yedi: «Fini n tie n wuonkaanu Leni n biinu bi nifuodiba tinga nni!» 7 Cengi n bubula bonŋanla, Kelima n tadigi hali boncianla. Faabi nni leni yaaba n faligidi nni, Kelima bi pia u paalu ki cie nni. 8 Ñani nni li naa kpaadidieli nni, Ki teni min pagi a yeli. A yaa tieni nni mi ŋanma yaa yogunu, Bi niteginkaaba baa cua ki gaani ki lindi nni. |
Gulmancema Protestant Bible © Bible Society of Burkina Faso, 2013.
Bible Society of Burkina Faso