Pisomi 128 - U TIENU MAAMA TILI 2013

Pisomi 128 O Diedo seligidi yaaba n fangi o

1 Ban caa Jerusalemi ki yiini yaa yanbu.

¹ Ban caa Jerusalemi ki yiini yaa yanbu. Li pamanli ye leni yaaba n fangi o Diedo, Ki ŋua wan bili yaa sani bonŋanla!

² A baa je a tuonli ñuadi, Li pamanli n yaa ye leni a, A yemanma mo n yaa pugidi.

³ A diegu nni, a pua baa yaa tie a po Nani yaa duventibu n luoni bonŋanla yeni. A bijaba mo baa gaani ki lindi a saajekaanu kani, Nani olivie tibidi yeni.

⁴ Yaa nilo n fangi o Diedo kuli, N baa baa li seli maama n yeni.

⁵ O Diedo n seligi a ki cili Siyon kani, Ki teni ŋan le Jerusalemi yemanma.

⁶ A baa le a bijaba yaa bijaba! Mi yanduanma n yaa ye leni Isidayeli yaaba!