Pisomi 100 - U TIENU MAAMA TILI 2013

Pisomi 100 I tuondi yanbu

1 Mi ŋanma tiadima yanbu.

¹ Mi ŋanma tiadima yanbu. Yinba ki tinga nibuoli kuli, Kpaani mani leni li pamanli o Diedo po!

² Soani mani o Diedo po leni li pamanli, Cua mani o nintuali leni li pamancianli.

³ Yin bandi ke Li Miali Diedo n tie U Tienu, Wani n tagi ti, ti tie o yaabe, Ti tie o yaa nibe, Ti tie o yankulu, Wani mo n tie ti yankpaalo.

⁴ Kua mani o Diedo buliñoana nni leni i tuondi! Kua mani o luoli nni leni ti pagidi! Pagi o mani, ki kpiagi o yeli!

⁵ Yeni de! O Diedo ŋani, O buama mo ki pia bianu, Nifiima n tuu nifiima, Li pundi ban dugi o po.