Nehemi 7 - U TIENU MAAMA TILI 2013

Ban bogini ki baa guudi u dogu maama

¹ Tin den maa ki gbeni u bilinu, ke n caani ti buliñoaluoditi, bi den teni a buliñoaguuda, bi yanyinba leni Levi buolu bi tuonli.

² N den teni ke n kpiilo Hanani leni Hanania gobidi Jerusalemi. Hanania yeni den tie u kaanpaalu toatieba yudaano. O den tie nidugika, ki fangi U Tienu ki cie bi niba boncianla.

³ N den yedi ba: «Bi kan luodi Jerusalemi buliñoana ke u yienu ki yugidi. Ku yenjuagu mo, bi baa luoni ti buliñoaluoditi leni li bonluonkaala hali ke a buliñoaguuda daa fuadi. Jerusalemi yaaba baa yaa guudi, yuakuli baa yaa se o diegu nintuali ki guu.»

Isidayeli yaaba, yaaba n guani Juda diema nni coali

⁴ Jerusalemi dogu den pia mi fanma boncianla ki go yabi, ama u niba naa den fuu, ti diedi mo ki den maa.

⁵ N Tienu den puni nni li yantiali ke min taani bi paatieba, li bali danba leni bi niba kuli ki coadi ba. N den taa yaa tili n pia yaaba n den kpa kpeni yela. N den laa lienni yaala n tie ne:

⁶ Babilonni bado Nebukanesa n den cuo ki gedini yaaba ti yonbidi siiga, niba boncianla den guani ki kuni Jerusalemi leni Juda diema nni. Yuakuli den kuni o denpo.

⁷ Yaaba n den gobidi ba den tie Sorobabeli, Josue, Nehemi, Asariya, Raamia, Nahamani, Mardoke, Bilisani, Misipeleti, Bigifayi, Nehum leni Baana. Isidayeli yaaba buoli leni bi coali nne:

⁸ Pareyosi cuuli den tie tudalie n kobiga n piilele n jabilie (2 172).

⁹ Sefatia cuuli: kobitaa n piilele n jabilie.

¹⁰ Ara cuuli: kobiluoba n piimuu n jabilie.

¹¹ Pahati-Moabi cuuli, bani Josue leni Joabi yaabila: tudalie n kobinii n piiga n jabinii (2 818).

¹² Elami cuuli: tudili n kobilie n piimuu n jabinaa (1 254).

¹³ Satu cuuli: kobinii n piinaa n jabimuu.

¹⁴ Sakayi cuuli: jaba kobilele n piiluoba.

¹⁵ Binuyi cuuli: kobiluoba n piinaa n jabinii.

¹⁶ Bebayi cuuli: kobiluoba n piilie n jabinii.

¹⁷ Asigadi cuuli: tudalie n kobitaa n piilie n jabilie (2 322).

¹⁸ Adonikami cuuli: kobiluoba n piiluoba n jabilele.

¹⁹ Bigifayi cuuli: tudalie n piiluoba n jabilele (2 067).

²⁰ Adini cuuli: kobiluoba n piimuu n jabimuu.

²¹ Esekiasi yaabili Ateli cuuli: piiyia n jabinii.

²² Hasumi cuuli: kobitaa n piilie n jabinii.

²³ Betisayi cuuli: kobitaa n piilie n jabinaa.

²⁴ Halifi cuuli: kobiga n piiga n jabilie.

²⁵ Yaaba n den ñani Gabaon, piiyia n jabimuu.

²⁶ Betelemi leni Netofa dogi yaaba: kobiga n piinii n jabinii.

²⁷ Anatoti dogu yaaba: kobiga n piilie n jabinii.

²⁸ Beti-Asimafeti dogu yaaba: piinaa n jabilie.

²⁹ Kiriyati-Yearim, Kefira leni Beeroti dogi yaaba: kobilele n piinaa n jabitaa.

³⁰ Rama leni Geba dogi yaaba: kobiluoba n piilie n jayendo.

³¹ Mikimasi dogu yaaba: kobiga n piilie n jabilie.

³² Beteli leni Ayi dogi yaaba: kobiga n piilie n jabitaa.

³³ Nebo bontoa dogu yaaba: piimuu n jabilie.

³⁴ Elami bontoa cuuli: tudili n kobilie n piimuu n jabinaa (1 254).

³⁵ Harim cuuli: jaba kobitaa n piilie.

³⁶ Jeriko dogu yaaba: kobitaa n piinaa n jabimuu.

³⁷ Lodi, Hadidi leni Ono dogi yaaba: kobilele n piilie n jayendo.

³⁸ Sena dogu yaaba: tudataa n kobiyia n jaba piitaa (3 930).

³⁹ Bi kopadicianba den tie Yedaya cuuli, bani Josue yaabila: kobiyia n piilele n jabitaa.

⁴⁰ Imeri cuuli: tudili n piimuu n jabilie (1 052).

⁴¹ Pasehuri cuuli: tudili n kobilie n piinaa n jabilele (1 247).

⁴² Harim cuuli: tudili n piiga n jabilele (1 017).

⁴³ Levi buolu den tie Josue leni Kadimieli buolu, bani Hodifa yaabila: piilele n jabinaa.

⁴⁴ U Tienu diegu yanyinba den tie Asafi cuuli: kobiga n piinaa n jabinii.

⁴⁵ A buliñoaguuda den tie Salumi cuuli, Ateli cuuli, Talimini cuuli, Akubi cuuli, Hatita cuuli leni Sobayi yaa cuuli: Bikuli den taani ki tie kobiga n piitaa n nibinii.

⁴⁶ U Tienu diegu naacenba den tie Tisisa cuuli, Hasufa, Tabaoti,

⁴⁷ Kerosi, Siaha, Padoni,

⁴⁸ Lebana, Hagaba, Salimayi,

⁴⁹ Hanani, Gideli, Gahali,

⁵⁰ Reaya, Letisini, Nekoda,

⁵¹ Gasami, Usa, Peseyaki,

⁵² Besayi, Mehunimi, Nefisimi,

⁵³ Bakibuki, Hakufa, Haluli,

⁵⁴ Batisiliti, Mehida, Halisa,

⁵⁵ Balikosi, Sisera, Tamaki,

⁵⁶ Netisiaki leni Hatifa cuuna.

⁵⁷ Salomon naacenba puoliŋuani den tie Sotayi, Sofeleti, Pelida,

⁵⁸ Yaala, Dalikoni, Gideli,

⁵⁹ Sefatia, Hatili, Pokeleti-Hatisebayimi leni Anmoni cuuna kuli.

⁶⁰ U Tienu diegu naacenba leni Salomon naacenba puoliŋuani kuli den taani ki tie kobitaa n piiyia n jabilie.

⁶¹ Yaaba n den ñani Teli-Melaki, Teli-Halisa, Kerubi-Adoni leni Imeri, ki kuni ki naa fidi ki doagidi ban tie yaa cuuna yaaba, ki doagidi ke bi tie Isidayeli buoli yaaba n tie ne:

⁶² Delaya, Tobiya leni Nekoda cuuna. Bikuli den tie kobiluoba n piinaa n jabilie.

⁶³ Bi kopadicianba siiga moko den pia yaaba n ki fidi ki doagidi ban tie yaa cuuna yaaba. Li den tie Hobaya, Hakotisi, Balisilayi. Wani Balisilayi den yi yeni, kelima o den taa Galaadi yua Balisilayi bisiaba siiga yendo.

⁶⁴ Bi den lingi a coala tila nni, baa laa bi yaajanba yela. Bi den ñani ba li padili tuonli nni, kelima bi den nua ke bi joagini.

⁶⁵ Guveneeri den yedi ke ban da je yaa padijiedi n gagidi boncianla, hali kopadiciamoba n baa diidi Urim leni Tumim, ki le wan baa jagi yaala.

⁶⁶ Isidayeli yaaba, yaaba n den ñani ti yonbidi kuli nni den tie piinaa n tudalie n kobitaa n niba piiluoba (42 360),

⁶⁷ kaa taani bi naacenba leni bi puotuada yaaba n den tie tudalele n kobitaa n piitaa n nibilele (7 337). Bi yanyinba mo den tie kobilie n piinaa n nibimuu, bi jaba leni bi puoba. Bi den pia i taami kobilele n piitaa n taamiluoba, i buomi kobilie n piinaa n buomimuu,

⁶⁸ ti yuoyuodi kobinaa n piitaa n yuoyuodimuu leni i ŋunbi tudaluoba n kobilele n ŋunbi piilie (6 720).

⁶⁹ Bi diedantianba den puni bu paabu U Tienu diegu tuonli po. Guveneeri den puni wula bonkpaga tudili (1 000), tadiñokaamu piimuu leni a kopadicianliada kobimuu n piitaa li tuonli yeni po.

⁷⁰ Bi diedanba n den puni yaala den tie wula bonkpaga tuda piilie (20 000) leni ŋanjilifa kilo tudili n kobiga (1 100).

⁷¹ Isidayeli yaaba, yaaba n den sieni den puni wula bonkpaga tuda piilie (20 000), ŋanjilifa kilo tudili (1 000) leni a kopadicianliada piiluoba n bonalele.

⁷² Bi kopadicianba, Levi, a buliñoaguuda, bi yanyinba leni ku niligu siiga nitoaba, U Tienu diegu naacenba leni Isidayeli yaaba, yaaba n sieni kuli den kali kali bi dogi nni.