Jeremi 47 - U TIENU MAAMA TILI 2013

Yaa saawalo n ye Filisiti yaaba po

¹ Diidi o Diedo n maadi o saawalipualo Jeremi yaa maama Filisiti yaaba po, hali ke Faraon daa pua Gasa dogu.

² O Diedo yedi: «A ñingola fii nujienu po, Ki tua kpenciamu yuu n gbie ki landi landi, Ki milini mi diema leni yaala n ye mi niinni, I dogi leni yaaba n ye i niinni. Bi niba kuudi, Mi diema niba kuli buudi ki yalini.

³ Yaa taami n pia u paalu taana moe, Ti teliti leni bi taana dunli, Teni ke bibaanba tiini, Kaa gbegidi ki diidi bi bila, Kelima bi nii tadigi boncianla.

⁴ Filisiti diema yaaba bodima daali pundi, Li daali pundi, Niloba ki ye ki baa todi Tiiri leni Sidon dogi. O Diedo baa bolini Filisiti diema yaaba kuli, Leni yaaba n sieni ki ye Kafitori kpendegili po.

⁵ Gasa yaaba kuo ti kuyudi. Sagimuba ki go sagidi Asikalon dogu nni. Yinba ti jaciandi yaadi n sieni yeni, Yi baa yaa baa ki badi yiba i be, Hali u laa yogunu yo?

⁶ Ŋain! O Diedo jugisiega, a kan ji fuodi! Guani ki kua a tuagu nni, ki yaa tie suo, Ki da go yedi liba.

⁷ O Diedo yaa soani a Asikalon leni mi ñincianma po, A baa fuodi lede? O pegidi ki caani ki jugisiega yeni lanpo yo.»