Esidirasi 2 - U TIENU MAAMA TILI 2013

Isidayeli yaaba, yaaba n guani Juda diema nni coali

¹ Babilonni bado Nebukanesa n den cuo yaaba ti yonbidi ki gedini Babilonni diema nni, bi siiga boncianla den guani ki kuni Jerusalemi leni Juda diema nni. Yuakuli den kuni o denpo.

² Yaaba n den gobidi ba den tie Sorobabeli, Josue, Nehemi, Seraya, Reelaya, Mardoke, Bilisani, Misipali, Bigifayi, Rehum leni Baana. Isidayeli yaaba buoli leni bi coali nne:

³ Pareyosi cuuli den tie tudalie n kobiga n piilele n jabilie (2 172).

⁴ Sefatia cuuli: kobitaa n piilele n jabilie.

⁵ Ara cuuli: kobilele n piilele n jabimuu.

⁶ Pahati-Moabi cuuli, bani Josue leni Joabi yaabila: Tudalie n kobinii n piiga n jabilie (2 812).

⁷ Elami cuuli: tudili n kobilie n piimuu n jabinaa (1 254).

⁸ Satu cuuli: kobiyia n piinaa n jabimuu.

⁹ Sakayi cuuli: kobilele n jaba piiluoba.

¹⁰ Bani cuuli: kobiluoba n piinaa n jabilie.

¹¹ Bebayi cuuli: kobiluoba n piilie n jabitaa.

¹² Asigadi cuuli: tudili n kobilie n piilie n jabilie (1 222).

¹³ Adonikami cuuli: kobiluoba n piiluoba n jabiluoba.

¹⁴ Bigifayi cuuli: tudalie n piimuu n jabiluoba (2 056).

¹⁵ Adini cuuli: kobinaa n piimuu n jabinaa.

¹⁶ Esekiasi yaabili Ateli cuuli: piiyia n jabinii.

¹⁷ Betisayi cuuli: kobitaa n piilie n jabitaa.

¹⁸ Yora cuuli: kobiga n piiga n jabilie.

¹⁹ Hasumi cuuli: kobilie n piilie n jabitaa.

²⁰ Gibari cuuli: piiyia n jabimuu.

²¹ Betelemi dogu yaaba: kobiga n piilie n jabitaa.

²² Netofa dogu yaaba: piimuu n jabiluoba.

²³ Anatoti dogu yaaba: kobiga n piilie n jabinii.

²⁴ Asimafeti dogu yaaba: piinaa n jabilie.

²⁵ Kiriyati-Arimi, Kefira leni Beeroti dogi yaaba: kobilele n piinaa n jabitaa.

²⁶ Rama leni Geba dogi yaaba: kobiluoba n piilie n jayendo.

²⁷ Mikimasi dogu yaaba: kobiga n piilie n jabilie.

²⁸ Beteli leni Ayi dogi yaaba: kobilie n piilie n jabitaa.

²⁹ Nebo dogu yaaba: piimuu n jabilie.

³⁰ Magibisi dogu yaaba: kobiga n piimuu n jabiluoba.

³¹ Elami toa cuuli: tudili n kobilie n piimuu n jabinaa (1 254).

³² Harim cuuli: kobitaa n jaba piilie.

³³ Lodi, Hadidi leni Ono dogi yaaba: kobilele n piilie n jabimuu.

³⁴ Jeriko dogu yaaba: kobitaa n piinaa n jabimuu.

³⁵ Sena dogu yaaba: tudataa n kobiluoba n jaba piitaa (3 630).

³⁶ Bi kopadicianba den tie Yedaya cuuli, bani Josue yaabila: kobiyia n piilele n jabitaa.

³⁷ Imeri cuuli: tudili n piimuu n jabilie (1 052).

³⁸ Pasehuri cuuli: tudili n kobilie n piinaa n jabilele (1 247).

³⁹ Harim cuuli: tudili n piiga n jabilele (1 017).

⁴⁰ Levi yaaba den tie Josue leni Kadimieli buolu, bani Hodafia yaa bila: piilele n jabinaa.

⁴¹ U Tienu diegu yanyinba den tie Asafi cuuli: kobiga n piilie n jabinii.

⁴² A buliñoaguuda den tie Salumi cuuli, Ateli cuuli, Talimoni cuuli, Akubi cuuli, Hatita cuuli leni Sobayi yaa cuuli. Bikuli den taani ki tie kobiga n piitaa n nibiyia.

⁴³ U Tienu diegu naacenba den tie Tisisa cuuli, Hasufa cuuli leni Tabaoti,

⁴⁴ Kerosi, Siaha, Padoni,

⁴⁵ Lebana, Hagaba, Akubi,

⁴⁶ Hagabi, Samilayi, Hanani,

⁴⁷ Gideli, Gahali, Reaya,

⁴⁸ Letisimi, Nekoda, Gasami,

⁴⁹ Usa, Pasea, Besayi,

⁵⁰ Asina, Mehunimi, Nefusimi,

⁵¹ Bakibuki, Hakufa, Haluli,

⁵² Batisiluti, Mehida, Halisa,

⁵³ Balikosi, Sisera, Tamaki,

⁵⁴ Netisiaki leni Hatifa cuuna kuli.

⁵⁵ Salomon naacenba cuuli den tie Sotayi bijaba, Sofeleti bijaba, Peluda bijaba,

⁵⁶ Yaala bijaba, Dalikoni bijaba, Gideli bijaba,

⁵⁷ Sefatia bijaba, Hatili bijaba, Pokeleti-Hatisebayimi bijaba leni Ami bijaba.

⁵⁸ U Tienu diegu naacenba leni Salomon naacenba cuuli kuli den taani ki tie kobitaa n piiyia n jabilie.

⁵⁹ Yaaba n den ñani Teli-Melaki, Teli-Halisa, Kerubi-Adani leni Imeri ki kuni ki naa fidi ki doagidi ban tie yaa cuuna yaaba, ki doagidi ke bi tie Isidayeli buoli yaaba n tie ne:

⁶⁰ Delaya cuuli, Tobiya cuuli leni Nekoda cuuli. Bikuli den tie kobiluoba n piimuu n jabilie.

⁶¹ Bi kopadicianba siiga moko den pia yaaba n ki fidi ki doagidi ban tie yaa cuuna yaaba. Li den tie Habaja cuuli, Hakotisi cuuli, Balisilayi cuuli. Wani Balisilayi den yi yeni, kelima o den taa Galaadi yua Balisilayi bisiaba siiga yendo.

⁶² Bi den lingi a coala tila nni, baa laa bi yaajanba yela. Bi den noanli ke bi joagini, ki ñani ba li padili tuonli nni.

⁶³ Guveneeri den yedi ke ban da je yaa padijiedi n gagidi boncianla hali o kopadiciamo n baa diidi bi po Urim leni Tumim ki le wan baa jagi yaala.

⁶⁴ Isidayeli yaaba, yaaba n den ñani ti yonbidi kuli nni den tie piinaa n tudalie n kobitaa n niba piiluoba (42 360),

⁶⁵ Kaa taani bi naacenba leni bi puotuada yaaba n den tie tudalele n kobitaa n piitaa n nibilele (7 337). Bi yanyinba mo den tie kobilie, bi jaba leni bi puoba.

⁶⁶ Bi den pia i taami kobilele n piitaa n bonbiluoba, i buomi kobilie n piinaa n buomimuu,

⁶⁷ Ti yuoyuodi kobinaa n piitaa n yuoyuodimuu leni i ŋunbi tudaluoba n kobilele n ŋunbi piilie (6 720).

⁶⁸ Ban den pundi Jerusalemi o Diedo diegu n ye yaa dogu nni, bi diedantianba den puni bu yantiapaabu U Tienu diegu po, ke ban guani ki maa ku kun den kpa ye naani.

⁶⁹ Bi den puni ban fidi yaa banlu ku diegu yeni tuonli po. Ban den puni yaala den taani ki tie wula bonkpaga piiluoba n tudiyenli (61 000), ŋanjilifa kilo tudalie n kobinii (2 800) leni kopadicianliada kobiga.

⁷⁰ Bi kopadicianba, Levi buolu, ku niligu siiga toaba, bi yanyinba, a buliñoaguuda leni U Tienu diegu naacenba den kali ban boagidi ba yaa dogi nni. Isidayeli yaaba, yaaba n sieni den kali kali bi dandogi nni.