1 Jan 1 - U TIENU MAAMA TILI 2013

Mi yenma leni li biigili 1—2 Li miali maama

¹ Yaala n den ye hali mi cilima, Tin den gbadi yaala, Tin den laa yaala leni ti nuni, Ki ñuadi la bonŋanla, Ki sii la leni ti nii, Lani n tie li miali maama.

² Li miali yeni den doagidi ke ti laa li. Ti tiendi li po siedi, Ki wangi yi yaa miali n kan gbeni, Yaali n den ye Baa kani, Wan den doagidi ti po yaali yeni.

³ Tin laa ki go gbadi yaala ti wangi lane, Ki bua yimo n yaa pia yanyenma leni ti, Nani tin pia yaa yanyenma leni Baa Leni o Bijua Jesu Kilisiti maama yeni.

⁴ Ti diani yi po yaala n tie ne, Ki bua ti pamanli n dagidi cain.

Yin yaa cuoni mi yenma nni

⁵ Tin den gbadi yaa maama o kani, Ki wangi yi tie, Ke U Tienu tie mi yenma. Li biigili naa ye o niinni ba waamu.

⁶ Ti yaa tua ke ti pia yanyenma leni o, Ki nan cuoni li biigili nni, Ti pua faama, tii ŋua i moamoani.

⁷ Ama ti yaa cuoni mi yenma nni, Nani U Tienu wani o ba n ye mi yenma nni, Ti pia yanyenma leni tiyaba, O Bijua Jesu soama baa yaa ŋuudi ti pala, Ki ñandi ti po ti tuonbiadi kuli cain.

⁸ Ti yaa tua ke tii pia tuonbiadi, ti boandi ti yula. I moamoani ki ye ti niinni.

⁹ Ti yaa tuo ti tuonbiadi, Nani wan tie nidugika ki go tiegi yeni, O baa pa ti ti tuonbiadi sugili, Ki go ŋuudi ki ñani ti biadima kuli cain.

¹⁰ Ti yaa tua ke tii tieni tuonbiadi, Ti yedi ke U Tienu tie tuofaadaano, O maama ki ye ti niinni.