Nehemiya 10 - Bhibhiliya Nya Guage

Malina ya avo va nga sayina gidzumeledzwano

¹ Khu satshavbo sesi, hi giride gidzumeledzwano gi tiyidego, khu gu gi lova, gi sayinwa khu manganagana yathu, ni va na Levhi vathu, ni vaphasi vathu nya mhamba.

² Avo va nga sayina gidzumeledzwano khu mwamangulu Nehemiya, mwamana wa Hakaliya, ni Zedhekiya;

³ Seraya, Azariya, Jeremiya;

⁴ Pasuri, Amariya, Malikiya;

⁵ Hatusi, Sebhaniya, Maluki;

⁶ Harimi, Meremoti, Obhadhiya;

⁷ Dhaniyeli, Ginetoni, Bharuki;

⁸ Mesulamo, Abhiya, Miyamimi;

⁹ Mahaziya, Bhiligayi, Semaya; ava a diri vaphasi nya mhamba.

¹⁰ Valevhi a diri Jesuwa, mwamana wa Azaniya, Bhinuwi; vbakari ga va na Henadhadhe, Kadimiyeli;

¹¹ ni vandriyaye, Sebhaniya, Hodhiya, Kelita, Pelaya, Hanani;

¹² Mika, Reyobhi, Hasabhiya;

¹³ Sakuri, Serebhiya, Sebhaniya;

¹⁴ Hodhiya, Bhani, Bheninu;

¹⁵ Vathangeli nya vathu khava: Parosi, Pahati-Mowabhi, Elamo, Zatu, Bhani;

¹⁶ Bhuni, Azigadhi, Bhebhayi;

¹⁷ Adhoniya, Bhigivhayi, Adhimi;

¹⁸ Ateri, Ezekhiya, Azuri;

¹⁹ Hodhiya, Hasumi, Bhesayi;

²⁰ Harifi, Anatote, Nebhayi;

²¹ Magipiya, Mesulamo, Heziri;

²² Mesezabheli, Sadhoki, Jadhuwa;

²³ Pelatiya, Hanani, Ananiya;

²⁴ Hoseya, Hananiya, Hasubhi;

²⁵ Halowe, Pilha, Sobheke;

²⁶ Rewumi, Hasabina, Mahaseya;

²⁷ Ayiya, Hanani, Ana;

²⁸ Maluki, Harimi, ni Bhahana.

²⁹ Vambe vathu va diri vaphasi nya mhamba, va na Levhi, vawoneleli nya dzinyangwa, vaembeleli, vasayisi va Nyumbani ga Nungungulu ni vatshavbo vale va nga bani va dugela mayigwana ya vbafuvbi, vata namarela vbamilayotunu ya Nungungulu, ni gu vagadzi vawe ni sanana sawe nya sikhwathana nesi nya vanyamahegyane ni vatshavbo avo va nga bani na vari ni tanga nya guti ni gu pima.

³⁰ Va di dzi tshanganisa ni vandriyawe, ni vathangeli vawe, va hengela navo gu sambanya gumogo ni gu gira gifungo nya gulandrise nayo wa Nungungulu a va ningidego khavbo ga Mosi, githumi gya Nungungulu, gukhavo va na vegedza ni gu landrisa milayo yatshavbo ya Pfhumu Nungungulu wathu, gulamula gwaye ni sileletelo saye,

³¹ gu va si lowodzisi vanyamahegyane vawe ga mambe mayigo, mwendro gu lowodza madzaha yawe vanyamahegyane vawe;

³² bwelo khavbo vathu vovo, va gu resa wugwewo mwendro ni levbini lifumbu nya silo nya guhodzwe khu litshigu nya Sabhadho guta rengisa, hi si va rengeli khu litshigu lolo, ambari khu limbe litshigu li agisedwego Pfhumu Nungungulu, gima kha hi na renga; ni gukhavo khu mwaga nya livbandre na mivili, malime yathu hi na ma hefemudza hi si ma limi, bwelo khavbo hi si henguli ni mevbini mangava.

³³ Hi dzi vegede gambe nayo nya gukhethu, khu mwaga ni mwaga, muthu ni muthu a ngu yela gu dusa gipandre nya wuraru nya sikulu, gasi gu gimbidzisa gwadi thumo wa Nyumbani ga Nungungulu wathu,

³⁴ ni gu hengo wowu wu na phasa gu renga sibaba nya guage, miningelo nya dzimbewu nya litshigu ni litshigu, miningelo nya guvbiswe nya litshigu ni litshigu, miningelo nya mhamba nya Sabhadho, nya Gumege nya Ngima ni mimbe mikhuwo, nya silo si agidego, nya miphaselo nya gu divaledwe sighoho sa na Israyeli, ni ga thumo watshavbo wa Nyumbani ga Nungungulu wathu.

³⁵ Gasi ethu vaphasi nya mhamba, va na Levhi, ni vathu vatshavbo gulandra khu linyumba la vababe vathu, hi lole dzisolo nya guti khu mani a na gu resago khu mwaga ni mwaga dzikhuni nya gute khondrisa khidzo nilo vbagiluvelotunu gya Nyumbani ga Pfhumu Nungungulu wathu, khu matshigu ma emisidwego kha nga idzo gu lovidwego khidzo umo nya Nayo.

³⁶ Hi dzi vegisede gu resa khu mwaga ni mwaga dzimbewu nya guphele dza mahangeni gwathu, ni mihandro yatshavbo nya misimbo hi yadego, hi resa Nyumbani ga Pfhumu Nungungulu,

³⁷ ni matiwula nya sanana sathu nya sikhwathana, ni ya Tshambini gwathu, kha nga idzo gu lovidwego khidzo umo nya nayo; gupwani matiwula nya dzimombe dzathu, ni aya nya dzinvuta dzathu, hi na resa ga vaphasi nya mhamba va thumelago Nyumbani ga Nungungulu wathu.

³⁸ Khu magirelo ya mamowo, hi na resa umo nya dzinyumba nya guvegedzele dzithomba dzi guromo Nyumbani ga Nungungulu wathu, ga vaphasi nya mhamba, mihandro nya wuguvbi nya guphele, nya miningelo yathu, ni mihandro nya misimbo yathu yatshavbo niyo nya wadwa nya vhinya, nya mafura, hi ningela va na Levhi mihengo nya likhumi ya mahangeni gwathu; kholu khavo va vegidwego gu hengisa madhoropani gwatshavbo satshavbo nya lithonga lathu.

³⁹ Gikhati va na Levhi va hakhago miningelo yeyi nya gipandre nya likhumi va na bani vari ni muphasi nya mhamba wa na Aroni, khu kharato va na Levhi va na dusa gipandre nya miningelo nya likhumi va gi resa Nyumbani gwa Nungungulu wathu, va ta gi vega wulangani gi na thumisedwago avbo.

⁴⁰ Kholu va na Israyeli ni va na Levhi, va na resa dzinyumbani momu mihengo nya guhegule nya wuguvbi nya mavbila, nya vbinyu niyo nya mafura; kholu khumo si guromo sombo nya gu miphaso gumogo ni vaphasi nya mhamba va thumelago umo, ni vakheviseli nya myanya ni vaembeleli. Khu kharato, hi na sayisa gwadi Nyumba ya Nungungulu wathu.