Josuwa 15 - Bhibhiliya Nya Guage

Thomba yi lumbago va na Judha

¹ Va na Judha gumogo ni dzindranga dzawe, va di thegedwa khu solo yawe ga mayigo ya phuvbo ga Marandzi, ma anamidego gukhugela vbinganoni nya litigo la Edhomi, kala gu vboha giwulani ga Zimi, gu hongola kala mahegiso ga Marandzi.

² Vbingano waye khu phuvbo ga Marandzi, wu di khugela Yiphwa nya Munyu, ni yiphwa yi ladzidego guya Marandzi;

³ wu ya dugela Marandzi khu ndzila yi thononago guya Akirabhimi, yi vbindra Zimi yi gwela kala Marandzi ga Kadhesi-Bharineya,

⁴ wu vbindra khu Hezironi, wu gwela kala Adhari wu dzundrulugela Karaka; wu vbindra khu Azimoni, wu ya dugela gitsongwanani gya Egipito wu ya vbelela pwani; owu khuwo wu na gu bani wuri vbingano wanu, khu phuvbo ga Marandzi.

⁵ Aholu vbingano wa Khugadambo wu na bani wuri Yiphwa nya Munyu, wu ya kala mahegiso nya tsongo wa Joridhani; gasi vbingano khu Wuronga wu na khugela mahegiso nya tsongo wa Joridhani,

⁶ wu gwela kala Bheti-Hogila, wu vbindra kala Bheti-Harabha, wu gwela kala giwindritunu gya Bhowani, mwamana wa Rubheni;

⁷ vbingano yoyu wu di gwela kala Dhebhiri khu kova wa Akori, wu thonona Wuronga khu phuvbo ga Giligali, gu manegelago mbeli nya gigomo gya Adhumimi gi guromo khu Marandzi nya gitsongwana; wu vbindra kala matini ga Eni-Semesi, kala tigoni ga Eni-Rogeli.

⁸ Khu vbale wu di gwela kala kovani ga Bheni-Hinomi, kala wu vboha vbinganoni ga Vajebhusi khu phuvbo ga Marandzi, mwendro Jerusalema; wu gwela kala tshokani nya gigomo gi guromo mbeli nya kova wa Himoni, guya Pfoladambo, gu guromo mahegiso nya kova wa Varefayini, khu phuvbo ga Wuronga.

⁹ Gukhugela tshokatunu nya gigomo kala matini ya Nefitowa; wu duga kala madhoropani ya gigomoni gya Efroni; vbingano wowu wa gu hongola gambe kala Bhahala, mwendro Kiriyati-Jeyarimi.

¹⁰ Khavbo avbo, vbingano wa gu dzundruluga gukhugela Bhahala, wu thonona Pfoladambo, kala gigomoni gya Seyiri, wu vbindra khu Jeyarimi khu phuvbo ga Wuronga, mwendro Kesalomi, wu relela Bheti-Semesi wu vbindra khu Timina.

¹¹ Wu di duga gambe khu phuvbo ga Ekoroni, kala Wuronga, wu hongola Sikeroni, wu vbindra khu gigomoni gya Bhahala, na wu gu dugela Jabineyeli wu ya vbelela yiphwani.

¹² Khu guralo, vbingano khu phuvbo ga Pfoladambo, khu Yiphwa nya Yikhongolo; eyi khiyo mivbingano ya va na Judha, khu maphuvbo yatshavbo gukhedza khu dzindranga dzawe.

Kalebi dhoropani ga Hebroni

¹³ Aholu Kalebi, mwamana wa Jefoni, a di ningwa thomba vbakari ga va na Judha, kha nga idzo Pfhumu Nungungulu a nga rumago khidzo Josuwa; a di mu ninga lidhoropa la Kiriyati-Aribha, mwendro Hebroni, Aribha yoyu a diri babe wa Anaki.

¹⁴ Kalebi a di tutumisa sanana siraru sa Anaki madhoropani mule, a gu esi: Sesayi, Ayimani ni Talimayi.

¹⁵ Khu vbale a di gwela aya dwanisa vavbahi va Dhebhiri, gu nga bani gu ranwa gale gupwani Kiriyati-Seferi.

¹⁶ Kalebi a di ganela, khuye: Wule a na kodzago gu dhumela ni gu wandra lidhoropa la Kiriyati-Seferi, nyi na mu ninga nyamahegyane wangu Akisa, a khala mwangadzi waye.

¹⁷ Khu kharalo, Otiniyeli, mwamana wa Kenazi, ndruye wa Kalebi, a di li wandra; khu guralo, Kalebi a di mu ninga nyamahegyane waye Akisa, a khala mwangadzi waye.

¹⁸ Gikhati Akisa a nga hongola ga Otiniyeli, oyu a di ya mu gurumedza gukhuye a lombe lithembwe ga babe waye Kalebi; nyamahegyane a di tshiga khu vbaburutunu gwaye; khavbo avbo, Kalebi a di mu wudzisa, khuye: “Wa gu vbweta ginani?”

¹⁹ Uye a di mu hakha, khuye: Nyi di vbweta gu gu lomba wuhindzi. Kha nga olu u nyi ningidego marembwe nya gubange, nyi ninge gambe sifefe nya mati. Khavbo avbo, Kalebi a di mu ninga sifefe nya mati sa vbatshani ni vbavbatshi nya kova.

Madhoropa ya Judha

²⁰ Eyi khiyo thomba nya lihundzu la va na Judha, gukhedza khu dzindranga dzawe.

²¹ Khu guralo, madhoropa ma vbahidwego khu phuvbo ga Marandzi nya lihundzu la na Judha vbinganoni ga Edhomi, khaya: Kabizeyeli, Edheri, Jaguri;

²² Kina, Dhimona ni Adhadha;

²³ Kadesi, Hazori ni Itinani;

²⁴ Zifi, Telemi ni Bheyaloti;

²⁵ Hazori-Hadhata ni Keriyoti-Hezironi, (a gu Hazori);

²⁶ Amani, Sema ni Moladha;

²⁷ Hazari-Ghadha, Hesimoni ni Bheti-Peleti;

²⁸ Hazari-Suwali, Bherisebha ni Bheziyotiya;

²⁹ Bhahala, Limi ni Ezemi;

³⁰ Elitoladi, Kesili ni Horima;

³¹ Zikilagi, Madimani ni Sanisana;

³² Libhawoti, Silimi, Ayimi ni Rimoni; madhoropa yatshavbo, magumavili na livbandre na mana gumogo ni mitalala yawe.

³³ Madhoropa ma vbahidwego panini khaya: Esitawoli, Zorani ni Asenani;

³⁴ Zanowa, Eni-Ganimi, Tapuwa ni Enani;

³⁵ Jarimuti, Adhulamo, Soko ni Azeka;

³⁶ Saharayimi, Adhitayimi, Gedhera ni Gedherotayimi; madhoropa yatshavbo, likhumi na mana gumogo ni mitalala yawe.

³⁷ Zenani, Hadhasa ni Migidhali-Ghadhi;

³⁸ Dhileyani, Misipa ni Jokiteyeli;

³⁹ Lakisi Bhosikati ni Egilomi;

⁴⁰ Kabhoni, Lahamasi ni Kitilisi;

⁴¹ Gedheroti, Bheti-Dhagoni, Nahamani ni Makedha; madhoropa yatshavbo, likhumi na livbandre na limwedo gumogo ni mitalala yawe.

⁴² Libhina, Eteri ni Asani;

⁴³ Jifita, Asenani ni Nezibi;

⁴⁴ Keyila, Akizibi ni Maresa; madhoropa yatshavbo, livbandre na mana gumogo ni mitalala yawe.

⁴⁵ Ekoroni, gumogo ni madhoropa yaye ni mitalala yaye,

⁴⁶ gukhugela Ekoroni kala phwani ni madhoropa yatshavbo nya vaakelane va Asidhodhi, gumogo ni mitalala yawe;

⁴⁷ Asidhodhi ni madhoropa yaye, gumogo ni mitalala yaye; Gaza ni madhoropa yaye, gumogo ni mitalala yaye, kala tsongoni wa Egipito ni Yiphwa nya Yikhongolo, a gu uwo vbingano waye.

⁴⁸ Madhoropa ma vbahidwego gigomoni khaya: Samiri, Jatiri ni Soko;

⁴⁹ Dhana, Kiriyati-Sana, (a gu Dhebhiri);

⁵⁰ Anabhi, Esitemowa ni Animi;

⁵¹ Goseni, Holoni ni Gilo; madhoropa yatshavbo, likhumi na limwedo gumogo ni mitalala yawe.

⁵² Arabi, Dhumani ni Esani;

⁵³ Janimi, Bheti-Tapuwa ni Afeka;

⁵⁴ Hunta, Kiriyati-Aribha, (a gu Hebroni) ni Ziyori; madhoropa yatshavbo, livbandre na mana gumogo ni mitalala yawe.

⁵⁵ Mawomi, Karimelo, Zifi ni Jutani;

⁵⁶ Jezireyeli, Jokidhamu ni Zanowa;

⁵⁷ Kayimi, Gibheyani ni Timina; madhoropa yatshavbo, likhumi gumogo ni mitalala yawe.

⁵⁸ Haluli, Bheti-Zuri ni Gedhori;

⁵⁹ Maharati, Bheti-Anoti ni Elitekoni; madhoropa yatshavbo, livbandre na limwedo gumogo ni mitalala yawe.

⁶⁰ Kiriyati-Bhahali, (a gu Kiriyati-Jeyarimi) ni Rabhani; madhoropa yatshavbo, mavili gumogo ni mitalala yawe.

⁶¹ Madhoropa ma vbahidwego giwulani khaya: Bheti-Harabha, Midini ni Sekaka;

⁶² Nibisani, ni Lidhoropa nya Munyu ni Eni-Gedhi; madhoropa yatshavbo, livbandre na limwedo gumogo ni mitalala yawe.

⁶³ Khu guralo, va na Judha kha va nga dzi kodza gu tutumisa va na Jebhuzi; kotani nya isoso, va na Jebhuzi va nga gu simama gu vbanya Jerusalema, gumogo ni va na Judha kala na muhuno.