Josuwa 12 - Bhibhiliya Nya Guage

Vafumeli va nga padwago khu Mosi

¹ Ava khu vafumeli Israyeli a nga va khozisa a bwelo khavbo a wandra mayigo yawe, khu tshatugo ga Joridhani, khu Khugadambo, gukhugela gitsongwanani gya Arinoni kala gigomoni gya Herimoni, gumogo gambe ni gipandre gyatshavbo nya lipani la Khugadambo.

² Seyoni, mufumeli nya Vaamori, a nga bani a gu vbanya Hesibhoni, khuye a nga bani a fumela gukhugela Aroweri, gu khadego vbafuvbi ni kova wa Arinoni, gukhugela vbakari nya kova, wu vbindra khu gipandre gya Gileyadhi, kala gitsongwanani gya Jabhoki, vbingano ni sanana sa Amoni;

³ gukhugela panini kala phwani ga Kinereti, khu Khugadambo kala phwani nya Munyu, gu hongola Khugadambo khu ndzila yiyago Bheti-Jesimoti, khu Marandzi khu vbavbatshi nya mirelelo ya Pisiga.

⁴ Va di dzega litigo la Ogi, mufumeli wa Bhasani oyu a nga vbulugago ga va na Refayimi, a vbahidego Asitaroti ni Edhireyi;

⁵ a di gu fumela gigomoni gya Herimoni, ni Salika ni Bhasani watshavbo wa vbinganoni nya litigo la Gesuri, ni Mahakati, ni gipandre gya Gileyadhi, ni mivbinganoni ya Seyoni, mufumeli wa Hesibhoni.

⁶ Mosi githumi gya Pfhumu Nungungulu, ni va na Israyeli, a di va khozisa; ni Mosi githumi gya Pfhumu Nungungulu, a di ningela litigo leli li lumba lihundzu la na Rubheni, va na Gadhi ni gipandre gya na Manasi.

Vafumeli va nga padwago khu Josuwa

⁷ Ava khu vafumeli va nga khoziswago khu Josuwa ni va na Israyeli, va tshatugo ga Joridhani, khu phuvbo ga Muhwadambo, gukhugela Bhahali-Ghadhi, kovani ga Libhanoni, kala gigomoni gya Halaki, gi khadego khu phuvbo ga Seyiri. Litigo Josuwa a nga kabanisago va na Israyeli, gukhedza khu lihundzu lawe va li fumela,

⁸ va nga bani va khade sigomoni, mapanini, ni mireleloni nya sigomo, mugiwulani, ni Marandzi; umo va nga bani va khade umo Vahiti, Vaamori, Vakhanani, Vaperezi, Vahevhi ni Vajebhuzi.

⁹ A gu ava: Mufumeli wa Jeriko, moyo; mufumeli wa Ayi, vbafuvbi ni Bheteli, moyo;

¹⁰ mufumeli wa Jerusalema, moyo; mufumeli wa Hebroni, moyo;

¹¹ mufumeli wa Jarimuti, moyo; mufumeli wa Lakisi, moyo;

¹² mufumeli wa Egilomi, moyo; mufumeli wa Gezeri, moyo;

¹³ mufumeli wa Dhebhiri, moyo; mufumeli wa Gedheri, moyo;

¹⁴ mufumeli wa Horima, moyo; mufumeli wa Aradhi, moyo;

¹⁵ mufumeli wa Libhina, moyo; mufumeli wa Adhulamo, moyo;

¹⁶ mufumeli wa Makedha, moyo; mufumeli wa Bheteli, moyo;

¹⁷ mufumeli wa Tapuwa, moyo; mufumeli wa Heferi, moyo;

¹⁸ mufumeli wa Afeka, moyo; mufumeli wa Lasaroni, moyo;

¹⁹ mufumeli wa Madhoni, moyo; mufumeli wa Hazori, moyo;

²⁰ mufumeli wa Siniromi-Meroni, moyo; mufumeli wa Akisafi, moyo;

²¹ mufumeli wa Tahanaki, moyo; mufumeli wa Megidhu, moyo;

²² mufumeli wa Kedhesi, moyo; mufumeli wa Jokeneyamu wa Karimelo, moyo;

²³ mufumeli wa Dhori wa Nafati-Dhori, moyo; mufumeli wa mayigo ya Giligali, moyo;

²⁴ mufumeli wa Tiriza, moyo; vatshavbo magumararu na moyo vafumeli.