Hoseya 3 - Bhibhiliya Nya Guage

Gutsetselelana ga Hoseya ni mwangadzi waye

¹ Pfhumu Nungungulu a di nyi embela, khuye: Indra gambe uya haladzana ni nyamayi moyo a haladzwago khu pari yago, ambari olu a gu gibhayi. Mu haladze nga idzo Pfhumu a golago khidzo sanana sa Israyeli, ambari ulo avo va mu pfhuraredego va gola vambe vanungungulu ni gu tsakela sibwandzalati nya dziuvha.

² Nyi di mu renga khu likhumi na livbandre dzisekele nya parata, ni homeri mweyo nya wuguvbi nya sevhadha, ni gipandre nya homeri nya sevhadha.

³ Nyi di mu embela, kheni: U na khala neni matshigu nya gulaphe, khu na nga khala gambe gibhayi khu gu lala ni mumbe mwama. Khu guralo, eni neni nyi na khala wago.

⁴ Kholu sanana sa Israyeli si na vbanya matshigu nya mangi nyambana mufumeli, nyambana muthangeli, nyambana miphaso, nyambana gihuru nya guphasele avbo, nyambana efodhe mwendro terafime.

⁵ Khu hwane nya ugo, va na Israyeli va na wuya va vbindrugedza va vbweta Pfhumu Nungungulu wawe, ni Dhavhidhe mufumeli wawe. Khu matshigu nya guhegise va na hidzimela na va gu ndrendremela ga Pfhumu Nungungulu, va hakha sikategiso nya wuwadi waye.