Biblia Todo Logo
Bìoball air-loidhne

- Sanasan -

Dzindzimo 82 - Bhibhiliya Nya Guage


Nungungulu mulamuli wa vathu vatshavbo
Ndzimo ya Asafi

1 Nungungulu khade wulanga waye wa vbatshani; a lamula vbakari nya huwo nya vanungungulu.

2 “Kala lini mu na hegisago gu lamula nyamba lulama? Kala lini mu na gu emela va nya guvivba?

3 Emelani dzifanelo nya sisiwana ni sigulungu phasedzelani avo va sanisekago ni avo va gu mwalo muthu nya gu va emele.

4 Vbanyisani avo va saniswago ni sisiwana, va vbulugiseni mandzani ga va nya guvivba.”

5 Sipumbu kha siti gilo, sa gu vbanya gidemani; giseketelo nya nayo ni gululama tigoni, gi ngu tsekatsekiswa.

6 Eni nyi di, kheni: “Enu mu vanungungulu, enu mwatshavbo mu sanana sa Uye a Khusegidego ngudzu.

7 Ambari ulo enu mwatshavbo mu nafa nenu kha nga vathu vatshavbo, mu na vbelani tshivba kha nga mwama nya dzihanyi.”

8 Uwe Nungungulu, khuga u lamula litigo, kholu mayigo yatshavbo ma gu lumba Uwe.

Gitonga DC Bible © Bible Society in Mozambique, 2014.

Bible Society of Mozambique
Lean sinn:



Sanasan