Dzindzimo 43 - Bhibhiliya Nya Guage

Gugola Nyumba ya Nungungulu

¹ Nyi lamule Nungungulu, u nyi emela ga vathu nya va nya mayigo! Nyi vbulugise ga muthu nya guvivbe ni gidambane.

² Ina, kholu uwe u Nungungulu muvhikeli wangu. Khu ginani u nyi digago? Khu ginani nyi khala nga gisiwana, nyi saniswa khu valala vangu?

³ Rumela wenengedzo ni lisine lago, gasi u nyi wenengedzele ndzila nya gugwele gigomoni gyago nya gukatege ni gu hongola mitshatshani gwago.

⁴ Khu guralo, nyi na gwela giluvelotunu ga Nungungulu, ga Nungungulu, a gu gunengela gwangu nya gukhongolo; nyi na gu kulungela na nyi gu womba mihwambi, uwe Nungungulu, Nungungulu wangu.

⁵ Khu ginani uwe hefemulo wangu u tshanisekago? U ketago ndrani gwangu? Tumba Nungungulu, kholu nyi nga na gu mu rungudza, uye khuye muphasi ni Nungungulu wangu!