Dzindzimo 15 - Bhibhiliya Nya Guage

Oyu a gu ni fanelo nya gubele Nyumbani ga Nungungulu

Ndzimo ya Dhavhidhe

¹ Pfhumu Nungungulu, khu mani a yelago gu bela nyumbani gwago? Khu mani a dzi kodzago gu vbanya gigomoni gwago nya guage?

² Khoyu basi a gu na ni mavbanyelo nya gululame, a vbanyago khu ndruda, a ganelago lisine monyoni gwaye;

³ Wule a si lumbedzigo kwawe khu lidimi laye, a si girigo guvivba ga muthu kwawe, a si bhuseligo phungu muakelane waye;

⁴ wule a nyenyago va nya guvivba, a rungudzago avo va ningago githawo Pfhumu Nungungulu; oyu a si bweleligo hwane ga gisambanyo gyaye; ambari na gu wona gukhuye gu na gira mhango.

⁵ Oyu a si fiyarisigo dzitsapawu khu gu fela bhindzu oyu a si dzumeligo gu rengeledwa khu dzitsapawu, a girela guvivba muthu kwawe nyambana nandru. Oyu a girago kharati, gima kha na dhedhereka.