Dzindzimo 131 - Bhibhiliya Nya Guage

Nombelo nya muthu nya gu dzi vbwasamise

Ndzimo ya avo va gwelago nombelotunu. Ndzimo ya Dhavhidhe

¹ Pfhumu Nungungulu, monyo wangu kha wu dzi gugumugisi, ambari maho yangu gu dzi khusedza; kha nyi gimbili nyi vbweta silo nya sikhongolo, ambari silo nya gu samadzise ngudzu gwangu.

² Nyi manide gurula ni gu hefemula; gu fanana ni gyanana gi sengedzedwago khu mayi wagyo, nyi rudzisa hefemulo wangu gu fanana ni gyanana gi mamidego gi khura.

³ Uwe Israyeli, tumba Pfhumu Nungungulu, gukhugela olu kala gupindruga.