Dzindzimo 123 - Bhibhiliya Nya Guage

Nombelo nya gutumbe Nungungulu

Ndzimo ya avo va gwelago nombelotunu

¹ Nyi ngu khusa maho yangu nyi khedza iyo gwago, Uwe u khalago ndzadzini.

² Kha nga sithumi nya vama si virelago gu tshudwa khu mune wawe niso nya vanyamayi, si virelago gu tshudwa khu pfhumugadzi yawe, kharato nethu ha gu khedzisela uwe Pfhumu Nungungulu wathu, na hi gu lirela gukhethu u hi pwela wusiwana.

³ Hi pwele wusiwana Pfhumu Nungungulu, hi pwele wusiwana; kholu hi garade khu gu nyenywa.

⁴ Gale na hi gu hodziswa mbukuta khu va nya gu khadzisega ni gu nyenywa khu va nya matshandza!