Dzindzimo 121 - Bhibhiliya Nya Guage

Nungungulu tumbegide, a ngu sayisa vathu vaye

Ndzimo ya avo va gwelago nombelotunu

¹ Nya gu khusedza maho nyi wona sigomo, nya gu dzi wudzisa, kheni: Gi nata khu hayi giphaso?

² Giphaso gyangu gya guta khu ga Pfhumu Nungungulu, a nga gira ndzadzi ni mafu.

³ Kha na gu diga u kwiriga, oyu a gu sayisago gima kha na lala.

⁴ Lisine, kha na lala mwendro gu wotela oyu a sayisago Israyeli.

⁵ Pfhumu Nungungulu khuye a gu sayisago, Uye womo vbafuvbi gwago, khuye a gu vhikelago.

⁶ Lidambo nya mihani kha li na nga gu vbisa, ambari ngima wutshiguwule kha wu na gira gilo.

⁷ Pfhumu Nungungulu, a na gu vhikela guvivbani gwatshavbo, Uye a na sayisa womi wago.

⁸ Pfhumu Nungungulu a ngu gu vhikela gikhati u dugago ni gikhati u belago, gukhugela olu kala gupindruga.