Dzindzimo 110 - Bhibhiliya Nya Guage

Gitumbiso gya Nungungulu ga mufumeli nya litigo

Ndzimo ya Dhavhidhe

¹ Pfhumu Nungungulu a di ganela ga mune wangu, khuye: “Khala khu nyamudye gwangu, kala nyi vega valala vago vbavbatshi nya migondro yago.”

² Pfhumu Nungungulu a guromo Siyoni a na tiyisa ndronga nya wufumu waye a ganela, khuye: “Fuma vbakari ya valala vago.”

³ Vathu vago va nata dzi ningela gwago, litshigu u na somago matshari yago nya gudwane; madzaha ma nata gwago khu sigomoni kha nga hunguva yi thegago gikhati wu khugago Wuronga.

⁴ Pfhumu Nungungulu a sambanyide, kha na bwelela hwane kholu: “Uwe u muphasi nya mhamba kala gupindruga khu nayo nya wuphasi wa Melikisedheki.”

⁵ Pfhumu womo nyamudye gwago; Litshigu nya likhulo laye a na mbembisa vafumeli;

⁶ A na tsayisa vathu nya mayigo a wungedzela sirumbi sawe; a na songetela vathangeli va tigoni gwatshavbo.

⁷ Ndzilani mufumeli a na sela mati nya gibuga, ayo ma na mu ninga tshivba nya gupale.