Dzindzimo 100 - Bhibhiliya Nya Guage

Ndzimo nya gu rungudze Nungungulu

Ndzimo nya gubonge

¹ Rungudzani Pfhumu Nungungulu khu gutsaka, enu mwatshavbo vathu va tigoni!

² Khozelani Pfhumu Nungungulu khu gutsaka, deluni mbeli gwaye na mu gu womba mikulungwane.

³ Dzitini gukhenu Pfhumu khuye Nungungulu; Khuye a nga hi gira, ethu ha gu lumba uye; hi vathu vaye ni tshambi waye.

⁴ Belani dzinyangwani nya nyumba yaye na mu gu bonga, belani siluveloni gwaye na mu gu dhumisa ni gu bonga lina laye.

⁵ Kholu Pfhumu Nungungulu khwadi, lihaladzo laye li ngu simama kala gupindruga, gutumbega gwaye gu ngu simama ga mimela ni mimelana.