1 Dzikoronika 6 - Bhibhiliya Nya Guage

¹ Sanana sa Levhi si diri esi: Gerisoni, Khowati ni Merari.

² Gasi malina ya sanana sa Gerisoni khaya: Libhina ni Simaya.

³ Sanana sa Khowati khesi: Aroni, Isari Hebroni ni Uziyeli.

⁴ Sanana sa Merari khesi: Mali ni Musi; khayo aya mapango ya na Levhi mayelano ni dzinyumba dza vababe vawe.

⁵ Mwamana wa Gerisoni a diri Libhina, a nga velegago Jahati, Jahati a velega Zima,

⁶ Zima a velega Joha; Joha a velega Idho, Idho a velega Zera, Zera a velega Jeyaterayi.

⁷ Mwamana wa Khowati khu Haminadhabhi, a nga velegago Khore, a velega Aseri.

⁸ Aseri a velega Elikana; Elikana a velega Ebiyasafi; Ebiyasafi a velega Aseri;

⁹ Aseri a velega Tahati, Tahati a velega Uriyeli, Uriyeli a velega Uziya, Uziya a velega Sawule;

¹⁰ Sanana sa Elikana khesi: Amasayi ni Ayimoti,

¹¹ Gasi Elikana a di velega Zofayi, Zofayi a velega Nahati,

¹² Nahati a velega Eliyabhi, Eliyabhi a velega Jerohamu, uye nuye a velega Elikana.

¹³ Sanana sa Samuweli Khesi: Matiwula khu Joyele, a landrela Abhiya.

¹⁴ Gyanana gya Merari khu Mali, a nga velegago Libhina, Libhina a velega Simaya, Simaya a velega Uza,

¹⁵ Uza a velega Simaya, Simaya a velega Hagiya, Hagiya a velega Asaya.

Vaembeleli nya Valevhi

¹⁶ Khavo ava va nga emiswago khu Dhavhidhe gu khala vaembeleli Nyumbani ga Pfhumu Nungungulu, gikhati ngasa yi nga mana wulanga nya gukhale umo.

¹⁷ Va di thuma gu embelela khu dzindzimo mbeli nya Tshatsha nya Tshangano, kala gikhati Solomoni a nga vbahago Nyumba ya Pfhumu Nungungulu Jerusalema; va di embelela khu longoloko nya nayo wu vegidwego.

¹⁸ Khavo ava va nga bani va gu thuma thumo wowu gumogo ni sanana sawe; avbo ga va na Khowati, a gu ava: Hemani, muembeleli, mwamana wa Joyele, mwamana wa Samuweli,

¹⁹ mwamana wa Elikana, mwamana wa Jerohamu, mwamana wa Eliyeli, mwamana wa Towa,

²⁰ mwamana wa Sufi, mwamana wa Elikana, mwamana wa Mahati, mwamana wa Amasayi,

²¹ mwamana wa Elikana, mwamana wa Joyele, mwamana wa Azariya, mwamana wa Sofoniya,

²² mwamana wa Tahati, mwamana wa Aseri, mwamana wa Abhiyasafi, mwamana wa Kore,

²³ mwamana wa Isari, mwamana wa Khowati, mwamana wa Levhi, mwamana wa Israyeli.

²⁴ Ndriyaye Asafi a di khala khu nyamudye gwaye; a diri uye Asafi mwamana wa Bherekiya, mwamana wa Simaya,

²⁵ mwamana wa Mikayeli, mwamana wa Bhahaseya, mwamana wa Malikiya,

²⁶ mwamana wa Etini, mwamana wa Zera, mwamana wa Adhaya,

²⁷ mwamana wa Etani, mwamana wa Zima, mwamana wa Simeyi,

²⁸ mwamana wa Jahati, mwamana wa Gerisoni, mwamana wa Levhi.

²⁹ Vandriyaye, sanana sa Merari, va nga bani va khala khu nyambade gwaye va diri ava: Etani, mwamana wa Kusi, mwamana wa Abhidhi, mwamana wa Maluki,

³⁰ mwamana wa Hasabhiya, mwamana wa Amaziya, mwamana wa Hilikiya,

³¹ mwamana wa Anizi, mwamana wa Bhani, mwamana wa Semeri,

³² mwamana wa Mali, mwamana wa Musi, mwamana wa Merari, mwamana wa Levhi.

³³ Vandriyaye va na Levhi, va di vegwa gu gira thumo watshavbo wa Nyumbani gwa Pfhumu Nungungulu.

Situgulwana sa Aroni

³⁴ Aroni ni sanana saye, va di gira miningelo nya guvbiswe vbagiluvelotunu ni gu vbisa libani, ni thumo watshavbo wa Wulangani nya Guage Ngudzu, na va gu girela gu dusa sighoho sa va na Israyeli, kha nga idzo a rumidego khidzo Mosi githumi gya Nungungulu.

³⁵ Gyanana gya Aroni, a diri Eliyazari, a nga velega Fineya; uye nuye a velega Abhisuwa;

³⁶ gyanana gya Bhuki a diri Uzi, Uzi a velega Seraya;

³⁷ uye nuye a velega Merayoti; uye nuye a velega Amariya; uye nuye a velega Ayitubhi;

³⁸ Uye nuye a velega Sadhoki; uye nuye a velega Ayimahasi.

Madhoropa ya na Levhi

³⁹ Malangani yawe va nga bani va gu khala, mayelano khu mitsawa nya mitshatsha yawe ndrani nya mivbingano yawe, khaya: Ga sanana sa Aroni, ga linyumba la na Khowati, kholu khavo va nga phela khavo gu thegedwa khu soriti.

⁴⁰ Va di ningwa lidhoropa la Hebroni, tigoni ga Judha ni mayigwana yakone ma li randredego.

⁴¹ Aholu mahange ya dhoropani ni mitalala yakone ma ningedwe Kalebhi, mwamana wa Jefoni.

⁴² Sanana sa Aroni si di ningwa madhoropa nya wuthavelo, a gu aya: Hebroni, Libhina gumogo ni mayigwana yakone; Jeteri ni Esitemowa gumogo ni mayigwana yakone;

⁴³ Hileni gumogo ni mayigwana yakone; Dhebhiri gumogo ni mayigwana yakone;

⁴⁴ Hasani, gumogo ni mayigwana yaye; ni Bheti-Semi gumogo ni mayigwana yaye.

⁴⁵ Va na Bhejami, va di ningwa madhoropa ya Gebha, gumogo ni mayigwana yakone; ni Alemeti gumogo ni mayigwana yaye; madhoropa yawe yatshavbo, gu kabanisa khu dzinyumba dzawe, ma diri likhumi na mararu.

⁴⁶ Vambe va na Khowati va nga tshalago, va di ningwa likhumi madhoropa nya gipandre nya lihundzu la na Manasi.

⁴⁷ Ga va na Gerisoni, mayelano khu dzinyumba dzawe, ga lihundzu la na Isakari, ni lihundzu la na Aseri, ni lihundzu la na Nafitali, ni lihundzu la na Manasi, tigoni ga Bhasani, va manide likhumi na mararu madhoropa.

⁴⁸ Va na Merari, mayelano khu mapango yawe, ni va na Rubheni, ni va na Gadhi, ni va na Zebhuloni, ava va manide likhumi na mavili madhoropa.

⁴⁹ Khu kharato, va na Israyeli va di ningela ga va na Levhi madhoropa yaya ni mayigwana yakone.

⁵⁰ Madhoropa yaya, va nga ma sasamedzela khu malina yawe, va di ninga khu gu lola dzisolo ga lihundzu la na Judha, la na Simiyoni ni lihundzu la na Bhejami.

⁵¹ Gasi khu mambe mapango ya sanana sa Khowati, ma manide madhoropa vbakari ga lihundzu la na Efrayimi.

⁵² Kholu va di va ninga madhoropa nya wuthavelo, Sikemi ni mayigwana yaye sigomoni ga Efrayimi gumogo ni Gezeri ni mayigwana yaye,

⁵³ ni Jokimeyamu ni mayigwana yaye ni Bheti-Horoni, gumogo ni mayigwana yaye,

⁵⁴ ni Ayijaloni ni mayigwana yaye ni Gati-Rimoni ni mayigwana yaye.

⁵⁵ Omu nya gipandre nya lihundzu la na Manasi, va di ningwa Aneri ni mayigwana yaye Bhileyamu ni mayigwana yaye; madhoropa yaya ma manidwe khavo va nga tshalago nya lihundzu la na Khowati.

⁵⁶ Va na Gerisoni va nyumbani nya gipandre nya lihundzu la na Manasi, va di mana Golani ni mayigwana yaye; ni Bhasani ni mayigwana yaye; ni Asitaroti ni mayigwana yaye;

⁵⁷ lihundzu la na Isakari, li di mana Kedhesi ni mayigwana yaye ni Dhabherati ni mayigwana yaye,

⁵⁸ ni Ramoti ni mayigwana yaye ni Anemi ni mayigwana yaye.

⁵⁹ Lihundzu la Aseri, li di mana Masali ni mayigwana yaye ni Ebidhoni ni mayigwana yaye,

⁶⁰ ni Hukoki ni mayigwana yaye ni Reyobhi ni mayigwana yaye;

⁶¹ va na Nafitali, va di mana Kedhesi wa Galileya ni mayigwana yaye ni Hamoni ni mayigwana yaye ni Kiriyatiyimi ni mayigwana yaye.

⁶² Avo va nga tshalago nari va na Merari, ga lihundzu la na Zebhuloni, va hakhide madhoropa ya Rimoni, ni mayigwana yaye Tabhori, ni mayigwana yaye;

⁶³ ni khisikheyi gwa Joridhani, tigoni gwa Jeriko, Khugadambo wa Joridhani, va manide khumo nya linyumba la Rubheni, madhoropa ya Bhezeri, ni mayigwana yaye mugiwulani, ni Jasa, gumogo ni mayigwana yaye;

⁶⁴ Kedhemoti ni mayigwana yaye, Mefahati ni mayigwana yaye;

⁶⁵ ga linyumba la Gadhi va di ningwa aya: Ramoti, tigoni ga Gileyadhi, ni mayigwana yaye, Mahanayimi, ni mayigwana yaye,

⁶⁶ Hesibhoni ni mayigwana yaye, ni Jazeri ni mayigwana yaye.