1 Dzikoronika 2 - Bhibhiliya Nya Guage

Sanana sa Jakobe

¹ Sanana sa Israyeli khesi: Rubheni, Simiyoni, Levhi, Judha, Isakari, Zebhuloni,

² Dhani, Josefe, Bhejami, Nafitali, Gadhi ni Aseri.

Situgulwana sa Judha

³ Sanana sa Judha khesi: Eri, Onani ni Sela; ava va vararu a velegide ni Suwa, nyamahegyane nya Mukhanani. Eri khuye matiwula ya Judha, aholu uye a di wonwa khu Pfhumu Nungungulu nari ni monyo nya guvivbe, khu kotani nya isoso, a di mu songa.

⁴ Ngadzamwane waye Tamari a di mu velegela Peresi ni Zera. Satshavbo sanana sa Judha si diri livbandre.

⁵ Sanana sa Peresi khesi: Hezironi ni Hamuli.

⁶ Sanana sa Zera khesi: Ziniri, Etani, Hemani, Kalikoli ni Dhara; satshavbo si diri livbandre.

⁷ Gyanana gya Karimi khegi: Akari, a nga khunguvanyisa Israyeli a ghoha khu gu dzega silo si loledzisidwego.

⁸ Gyanana gya Etani khu Azariya.

Linyangwa la Dhavhidhe

⁹ Sanana a nga velegedwa Hezironi khesi: Jerameyeli, Ramu ni Kalebi.

¹⁰ Ramu a di velega Aminadhabhi; Aminadhabhi a velega Nasoni, pfhumwana ya sanana sa Judha;

¹¹ Nasoni a di velega Salima; ni Salima a di velega Bhowazi.

¹² Bhowazi a velega Obhedhi; ni Obhedhi a di velega Jese.

¹³ Jese a di velega Eliyabhi, a gu matiwula yaye; nya wuvili khu Abhinadhabhi, nya wuraru khu Simaya,

¹⁴ nya wu na khu Natanayeli, nya livbandre khu Radhayi,

¹⁵ nya livbandre na moyo, khu Ozemi, nya livbandre na wuvili khu Dhavhidhe.

¹⁶ Vandriyaye nya vanyamayi va diri Zeruya ni Abhigayili. Sanana sa Zeruya si diri siraru: Abhisayi, Jowabhi ni Asayeli.

¹⁷ Abhigayili a di velega gyanana ni Amasa; gasi nyehe wa Amasa, a diri Jeteri, wa na Ismayeli.

Lihundzu la Kalebi

¹⁸ Kalebi mwamana wa Hezironi, a di velega sanana ni vagadzi vaye Azubha ni Jeriyoti a gu esi: Jeseri, Sobhabhi ni Aridhoni.

¹⁹ A difa Azubha; Kalebhi a di dzega nyamayi nya Muefrata a nga velegago naye gyanana nya gupwani khu Huri.

²⁰ Huri a di velega Uri; ni Uri a di velega Bhezaleli.

²¹ Khavbo avbo, Hezironi a di ya hengela malawu ni nyamahegyane wa Makiri, babe wa Gileyadhi, khade mwangadzi waye uye nari ni livbandre na limwedo magumi myaga, a velega naye gyanana a gu igyo Segubi.

²² Segubi a di velega Jayiri, uye a nga bani nari ni magumavili na mararu madhoropa tigoni ga Gileyadhi.

²³ Gesuri ni Arani va di phanga madhoropa ya Jayiri, gumogo ni Kenati ni mitalala yaye, mwendro gukhethu livbandre na limwedo magumi malanga. Vatshavbo vava va diri sanana sa Makiri, babe wa Gileyadhi.

²⁴ Hwane nya gu bani a fude Hezironi, tigoni gwa Kalebhi-Efrata; ngadza Hezironi, Abhiya a di velegela Azuri, babe wa Tekowa.

²⁵ Sanana sa Jerameyeli, matiwula ya Hezironi khesi: Matiwula khu Ramu, a handzamedza Bhunani, Oreni, Ozemi ni Ayasi.

²⁶ Jerameyeli a di dzegide mumbe nyamayi, lina laye a nga bani ari uye Atara, a diri mayime wa Onani.

²⁷ Sanana sa Ramu, matiwula ya Jerameyeli, si diri esi: Mahazi, Jamini Ekeri.

²⁸ Gasi sanana sa Onani si diri esi: Samayi ni Jadha; ni sanana sa Samayi si diri esi: Nadhabhi ni Abhisuri.

²⁹ Ngadza Abhisuri a diri uye Abhiyayili, a nga mu velegela Abhani ni Molide.

³⁰ Sanana sa Nadhabhi khesi: Seledhe ni Apayimi; Seledhe a difa nyamba velega sanana.

³¹ Gyanana gya Apayimi a diri egi: Isi, ni gyanana gya Isi: A diri Sesani; Sesani gyanana gyaye khu Alayi.

³² Sanana sa Jadha ndruye wa Samayi khesi: Jeteri ni Jonatane; gasi Jeteri a difa nyamba tshiya sanana.

³³ Sanana sa Jonatane khesi: Peleti ni Zaza; ava va diri sanana sa Jerameyeli.

³⁴ Sesani kha nga velega sanana nya sikhwathana, aholu nya vanyamahegyane; Sesani a diri ni githumi nya Mugipiti, lina laye nya gupwani khu Jara.

³⁵ Sesani a di ningela nyamahegyane waye ga khumbi yaye Jara a khala mwangadzi waye, a mu velegela Atayi.

³⁶ Atayi a di velega Natani, Natani a velega Zabhadi.

³⁷ Zabhadi a di velega Efalali, Efalali a velega Obhedhi,

³⁸ Obhedhi a velega Jewu, Jewu a velega Azariya.

³⁹ Azariya a di velega Helesi, Helesi a velega Eleyasa.

⁴⁰ Eleyasa a di velega Sisimayi, Sisimayi a velega Salumi,

⁴¹ Salumi a di velega Jekamiya, Jekamiya a velega Elisama.

⁴² Matiwula ya Kalebhi, ndruye wa Jerameyeli a diri uye Maresa, a gu uye babe wa Zifi; gasi gyanana gya Maresa a diri igyo Abhi-Hebhroni.

⁴³ Sanana sa Hebroni a diri iso: Kore, Tapuwa, Rekemi ni Sema.

⁴⁴ Sema a di velega Rahamu, babe wa Jorikeyamu; gasi Rekemi a di velega Samayi.

⁴⁵ Mwamana wa Samayi, a diri uye Mawomi; Mawomi khuye babe wa Bheti-Zuri.

⁴⁶ Efa gibhayi gya Kalebhi, a di velega Harani, Mosa ni Gazezi. Harani a di velega Gazezi.

⁴⁷ Sanana sa Jadhayi khesi: Regemi, Jotamo, Gesani, Peleti, Efa ni Sahafi.

⁴⁸ Kalebi a di velega ni gibhayi gyaye Mahaka, a gu ava: Sebhuri ni Tirana.

⁴⁹ Mahaka a velegide gambe Sahafi, babe wa Madimana, ni Sevha babe wa Makibhena ni Gibheya. Akisa a diri nyamahegyane wa Kalebi.

⁵⁰ Esi khiso si nga bani siri sanana sa Kalebi. Sanana sa Huri, matiwula ya Efrata si diri esi: Sobhali, babe wa Kiriyati-Jeyarimi,

⁵¹ Salima babe wa Bhetlehema, ni Harefi, babe wa Bheti-Gadheri.

⁵² Sanana sa Zobhali, babe wa Kiriyati-Jeyarimi si diri esi: Harowe ni Hazi wa Hamenuwoti.

⁵³ Mapango ya Kiriyati-Jeyarimi a diri aya: Va na Hitiriti, va na Peretewusi, va na Sumati ni va na Misirayi; khu avba gu tumbulugide va na Zorati ni va na Esitawole.

⁵⁴ Sanana sa Salima khesi: Bhetlehema ni va na Netofati, Atiroti-Bheti-Jowabi ni Hazi-hamanahati ni Zeruwa.

⁵⁵ Dzindranga ya vahevbudzi nya nayo va nga bani va gu vbanya tigoni ga Jabhesi, a diri Vatirati, va Simeyati ni Vasukati. Khavo ava va na Khenewu va ngatago khu ga Hamati, babe nya linyumba la na Rekabhi.