Jeremiya 45 - Bhibhiliya Nya Guage

Magana nya gutangadzise Bharuki

¹ Khu mwaga nya wu na nya gufume ga Jowakimi, mwamana wa Josiya, mufumeli wa Judha, muprofeti Jeremiya a di rumela magana ga Bharuki, mwamana wa Neriya, gikhati a nga vbedza gu lova mulibhukuni malito ma nga dugago khu kanani ga Jeremiya, a di mu embela, khuye:

² “Pfhumu Nungungulu wa Israyeli, a ngu ganela khu kotani yago uwe Bharuki, khuye:

³ Uwe u di khuwe: Yowe! Libango langu, Pfhumu Nungungulu engedzede wuvi gutshanisekani gwangu. Nyi garade khu gu wombeledzela dzihuwa, kha nyi gu mani gurula.”

⁴ U na va embela esi, khuwe: “Pfhumu Nungungulu a ngu ganela kharati, khuye: Nyi na pfhungumula iso nyi vbahidego, nyi bwelo khavbo nyi sigula iso nyi yadego tigoni gwatshavbo.

⁵ Ina uwe wa gu dogorela gu mana silo nya sikhongolo, gani? Diga gu dogorela gogo, kholu eni Pfhumu Nungungulu, nyi na resa dzitshanisa ga vathu vatshavbo; gasi uwe, nyi na gu vbanyisa malangani yatshavbo u na gu gimbilelago umo. A ngu ganela Pfhumu Nungungulu.”