Esiteri 10 - Bhibhiliya Nya Guage

Gukhusedzwa gwa Moridhekayi

¹ Hwane nya esi, mufumeli Asuwero, a di dusa nayo nya gukhuphise umo nya sipandrengulu satshavbo nya mufumo waye gumogo ni sidwani sa phwani.

² Mithumo yatshavbo nya mufumo waye, ni wugulu a khusedzidego khuwo Moridhekayi, satshavbo soso si lovidwe umo nya Libhuku nya Matimo ya Vafumeli va Medhiya ni va Perisiya.

³ Kholu Mujudha Moridhekayi, a diri uye a nga bani a gu landrela mufumeli Asuwero; Moridhekayi a diri muthu a nga bani na gu ningwa ngudzu githawo khu Vajudha, gumogo ni gu salalegisa gidzemo gya va na gyawe, kholu a di vbweta gukhuye va na gyawe va sayisege gwadi na va gu thuma, gasi gu andrisa lifumbu lawe latshavbo.