Dzindzimo 93 - Bhibhiliya Nya Guage

Nungungulu mufumeli nya satshavbo

¹ Pfhumu Nungungulu a ngu fuma! Ambade gungangamela, a fenengela tshivba. Tiyiside litigo wulangani gwaye, kha li dzi kodzi gu kutsungwa.

² Wufumu waye wu tiyide gukhugela gale; kholu uwe u womo kala gupindruga.

³ Pfhumu Nungungulu, mitsongo yi gugumugide, linene li khuside gu dzuma nya lito laye; linene li khusedzide mavimbi li gu dzuma.

⁴ Aholu Pfhumu Nungungulu a guromo vbatshani ngudzu na ni tshivba guvbindra gudzuma nya mati; na ni tshivba ngudzu guvbindra mavimbi nya linene.

⁵ Milayo yago yi tumbegide ngudzu; nyumba yago Pfhumu Nungungulu yi fanede gu aga kala gupindruga!