Dzindzimo 67 - Bhibhiliya Nya Guage

Mayigo yatshavbo ma na dhumise Nungungulu

Ga muthangeli nya tsawa nya vaembeleli. Khu sitendre. Gizimba ni ndzimo

¹ Nungungulu a na hi pwele wusiwana a hi kategisa, khovbe yaye yi na ngangamele eno gwathu;

² gasi vathu nya mayigo yatshavbo vati gugola gwaye, guvbanyisa gwaye gu wonwa khu mahundzu yatshavbo.

³ Mayigo yatshavbo ma na gu rungudze uwe Nungungulu; mahundzu yatshavbo ma na gu dhumise!

⁴ Vathu nya mayigo va na kulungele khu gutsaka, kholu u ngu va fuma khu gululama; khuwe u gimbidzisago vathu va tigoni.

⁵ Mayigo yatshavbo ma na gu rungudze, uwe Nungungulu, mahundzu yatshavbo ma na gu dhumise!

⁶ Mafu ma velegide mihandro yaye, Nungungulu, Nungungulu wathu a ngu hi kategisa!

⁷ Nungungulu a na hi kategise, mafuni gwatshavbo va na gu ninge githawo.