Dzindzimo 61 - Bhibhiliya Nya Guage

Nungungulu muvhikeli wa vale va mu tumbago

Ga muthangeli nya tsawa nya vaembeleli. Khu sitendre. Ndzimo ya Dhavhidhe

¹ Nungungulu, yingisa huwa nya wuvi wangu, hakha nombelo wangu.

² Nyi ngu gu rana khu mahegiso nya litigo, kholu monyo wangu wu ngu vbela tshivba, nyi yise giwindrini nya gukhugege ngudzu u nyi sayisela avbo.

³ Kholu uwe u wuthavelo wangu. Uwe u womo kha nga langwe nya tshivba, u nyi vbulugisago ga valala!

⁴ Nyi vbanya nyumbani gwago kala gupindruga; nyi sayisega mutsani nya dzimbapi dzago.

⁵ Uwe U Nungungulu wangu, u yingiside sisambanyo sangu, U nyi ningide thomba yi lumbago vale va thavago lina lago.

⁶ Engedzela matshigu nya guvbanye ga mufumeli; a na vbanye myaga nya gulaphe, nya yingi ngudzu.

⁷ A na simame kala gupindruga mbeli ga Nungungulu; a na sayisege khu lihaladzo ni gutumbega.

⁸ Kharati, nyi na rungudza lina lago kala gupindruga, litshigu ni litshigu nyi landrisa sisambanyo sangu.