Dzindzimo 47 - Bhibhiliya Nya Guage

Nungungulu, Pfhumu nya litigo

Ga muthangeli nya tsawa nya vaembeleli. Ndzimo ya sanana sa Kore

¹ Enu mahundzu yatshavbo, phaphatani mandza; embani ga Nungungulu khu mikulungwane nya gutsake.

² Kholu Pfhumu Nungungulu khongolo ngudzu, khuye Mufumeli nya khongolo nya litigo latshavbo.

³ Uye a ngu hi ninga gu fumela mayigo, a vega mahundzu nya vathu vbavbatshi nya migondro yathu.

⁴ A ngu hi hathela thomba yathu, wuzundzo wa Jakobe, gigodwa gyaye.

⁵ Nungungulu gwede vbakari nya dzihuwa nya litsako, Pfhumu Nungungulu vbakari nya gudzume nya pundru.

⁶ Rungudzani khu dzindzimo Nungungulu wathu; embelelani dzindzimo ga Mufumeli wathu, embelelani.

⁷ Kholu Mufumeli nya litigo latshavbo khu Nungungulu; embelelani ndzimo nya gutsakise, mu mu rungudza.

⁸ Nungungulu a ngu fuma vbatshani nya mayigo; khade vbagikhalotunu gwaye nya gukatege.

⁹ Dzindruna nya mayigo dzi ngu patana ni vathu va Nungungulu wa Abrahama, kholu mifumo ya mafuni ya gu lumba Nungungulu; Uye womo vbatshani nya silo satshavbo.