Dzindzimo 129 - Bhibhiliya Nya Guage

Nungungulu a ngu tshula Israyeli

Ndzimo ya vale va gwelago nombelotunu

¹ Va nyi tshaniside ngudzu gukhugela wanana wangu, a na ganela olu Israyeli;

² va nyi tshaniside ngudzu gukhugela wanana wangu, aholu kha va dzi kodza gu nyi pala.

³ Kha nga valimi nya dzimombe, va di kurura hwamboni gwangu va tula umo misele nya gulaphe.

⁴ Aholu, Pfhumu Nungungulu a lulamide; kavilede dzitshinga va nga nyi hungago va nya guvivba.

⁵ Va na khale dzitshoni va tutuma vatshavbo valala va Siyoni!

⁶ Va na khale kha nga mwasi wu bugago vbatshani nya dzinyumba wu wunago wu si gu dandri!

⁷ Mwasi wu si tadzigo mandza ya muvbweri, mwendro mawogo ya oyu a hungelelago dzinyandra.

⁸ Gambe mwalo a embelago vavbweri nya oyu mwasi, khuye: “Pfhumu Nungungulu a na gu kategise!” Ethu hi ngu mi kategisa khu lina la Pfhumu Nungungulu!