Dzindzimo 128 - Bhibhiliya Nya Guage

Sikategiso nya mapango

Ndzimo ya avo va gwelago Nombelotunu

¹ Kategide uye a thavago Pfhumu Nungungulu, a gimbilago dzindzilani gwaye!

² Kholu u na hodza mihandro nya thumo wago, u na katega, satshavbo si na gu dugela gwadi.

³ Ndrangani gwago, mwangadzi wago a na fanana ni simbo nya kandzu, wu velegago ngudzu nyumbani gwago, sanana sago si na fanana ni matamo nya ngindru ma randredego meza yago.

⁴ Khidzo kharati a na gu kategiswago khidzo muthu a thavago Pfhumu Nungungulu.

⁵ Pfhumu Nungungulu a na gu kategise gukhugela gigomoni gya Siyoni, u na wone gukatega ga Jerusalema matshigu yatshavbo nya guvbanye gwago,

⁶ u nengela khu gu wona sanana sa sanana sago. Gurula gu na khale ga va na Israyeli!