Dzindzimo 1 - Bhibhiliya Nya Guage

LIBHUKU NYA GUHEGULE Va nya gululama ni va nya guvivbedwa khu monyo

¹ Kategide muthu a si landrisigo sileletelo nya vathu nyambasi vadi a si longolokigo ndzila ni sighohi, a si khaligo tsawani nya vakanganyisi,

² a vegago gutsaka gwaye nayoni wa Pfhumu Nungungulu, a wu alakanyela wutshigu ni mihani.

³ A gu fanana ni simbo wu yadwego bambe nya tsongo, wu ningago mihandro khu nango yakone, mahagane yaye kha ma wuni; sigiro saye satshavbo sa gu duga gwadi.

⁴ Kha gu giregi kharato ga vathu nya guvivbedwe khu monyo; avo va gu fanana ni mwasi wu phalalegiswago khu phuvbo.

⁵ Khu guralo, vathu nya guvivbe myonyo, kha va na vbuluga litshigu nya gulamudwe, ni sighohi kha si na mana wulanga tshanganoni wa va nya gululama.

⁶ Kholu Nungungulu a ngu yiti ndzila nya vathu nya gululame, aholu ndzila nya vathu nya guvivbe monyo ya gu va yisa gufani.