YEREMIYA 45 - Bibliyeeda Ghaydit

Neajeeda ASEETA aba heeda Baruku

¹ Nih ng'asheanda Yeremiya gil was sibaneeda rukusa Baruku orjeeda Neriya, damanda ng'oorsiina ng'asheesu jeeda gitaabu aba ghuuta Yeremiya aba gweaydeaba ang'wan bea Yehoyakimu was orjeeda Yosiya, was sugoocheanda Yuda.

² “Asi gwayi NG'UTAMIIDA, was ASEETA Israeli, gwayeeshiineey ang'iing'i Ea Baruku:

³ Giyeeni ang'iing'i, ‘Deashageadi aniini! Aba gideaba niiheasa NG'UTAMIIDA sawanadeedeanyu; neaburji aba miyeedeanyu ak ea mwaanyasi fuufta.’

⁴ Ak gajeeshiina ang'iing'i niny, Asi gwayi NG'UTAMIIDA: Ng'ula, gidaghayi aadeaschi gaydanyarja, nea gidaghayi eahisti gaydaloosa ng'eanyi ak gaygwanda jeeda ng'eanyiisean.

⁵ Ak gigakiisi geaw ng'asheega heesi? Adigasayi; aba gideaba ng'ula, gaydeadu ng'asheega munyas badahuuka haleanjeeda sean nyooh gwandeawa saseeda, gwarugu NG'UTAMIIDA; ak gaydagoonyi eaweagaagu ghoah gichea dagoonyi ea nihi gaydaaghu eaweagaagu aba hiji uwi sean.”