NYIIGHEEGA 98 - Bibliyeeda Ghaydit

ASEETA dea ambal ng'eanyiisean

¹ Asarmasiina NG'UTAMIIDA duumdeesh aba gideaba nisin ng'asheega deamdeameadi! Geatindaanyi bea dugwa geatindaanyi ghaydit ninung' ghwanyas jooriischooda!

² NG'UTAMIIDA ninung' eanal jooriischoadaanyi, aba madeeda gheanyanga eemoojiga niidahaach doobiiwnataanyi.

³ Ak ea niipkaat baydeaydaanyi ea doobiiwnataanyi aba gheeh Israeli. Muudeanooda sean bea ng'eanyiida nidaah jooriischooda ASEETEANYA.

⁴ Ahoosasiina NG'UTAMIIDA ng'eanyiisean; agatkada daghanuunatka asarmana nea goohoosanyi asarmana nea gooduumsheesi.

⁵ Asarmana giigheambiita NG'UTAMIIDA aba gidoondooriida, aba gidoondooriida ea ghuuta sarmeeda.

⁶ Aba durumbeatajeega ea nyeashta gujaweeda ahoosana aba madeeda sugoocheanda, was NG'UTAMIIDA!

⁷ Danya daghata basooda, sea haleanjeeda nyiit jeeda; ng'eanyiida sea fuga mida jeeda.

⁸ Ghealooniga dabwara baneaguuka nyaawa; dasarmana giijeega sean aba hooseaneega.

⁹ Aba madeeda NG'UTAMIIDA, aba gideaba ghwaan goorgweaksa ng'eanyiida. Goorgweaksa ng'eanyiida aba doobiiwnata, ea buuneeda aba alooheeda.