NYIIGHEEGA 93 - Bibliyeeda Ghaydit

ASEETA was sugoocheanda

¹ NG'UTAMIIDA goombaliischi; ak gookwa hang'weaka gheambalmeeda; NG'UTAMIIDA niikwealshi, ak ea nirassa manandaanyi uurda; huumwa, ng'eanyiida siimajeek; ak ea majeamu easach;

² hoorgeadaang'u eamajeek ghang'eada garayi; nea ang'iing'i gindi damanda manda muudeanooda.

³ Ea NG'UTAMIIDA eeniga niijuur, eeniga niijuur ghuusiga nyaawa, eeniga niijuur daghanuunatka nyaawa.

⁴ Ak gwandeawa uurda burdeawa nyeashta beega saang'a, ak gaburdeawa uurda laweajajeega basooda, NG'UTAMIIDA mida humng'eeda ea hoauur!

⁵ Deaweedajeagaagu gaba huumwa; ghaydidanda dea haguuw gheang'u, Ea NG'UTAMIIDA, damanda manda muudeanooda ea ghoah damanda manda muudeanooda.