NYIIGHEEGA 47 - Bibliyeeda Ghaydit

ASEETA goombal ng'eanyiisean

¹ Ea buuneesean, abwara geatingeagwa! Oakghaambiida ASEETA nea goochuurji nea goosarmanyi aba hooseaneega!

² Aba gideaba NG'UTAMIIDA, was ASEETA haw bea humng'eeda, aang'waan, niny sugoocheanda hawi aba badayda ng'eanyiisean.

³ Gayghwayiin fuga ng'eanyiida hiing'eadaydeanya, nea ghwayiin eemoojiga hing'eadayda geeshangaasa.

⁴ Ak gwalooneasa ng'eanyiini ghoah hearaniischoodeanya, was giibinda Yakoboyda bwariiy.

⁵ ASEETA nidiyeada nea ghwanyaashaadawa hooseaneega, NG'UTAMIIDA aba nyeashta durumbeati.

⁶ Asarmasiina ASEETA, asi asarmana! Asarmasiina sugoocheandeanya, asi asarmana!

⁷ Aba gideaba ASEETA sugoocheanda ng'eanyiisean; asarmanana gearinda.

⁸ ASEETA goombal eemoojiga; ASEETA niipteada aba uhuuda hoorgeadaanyi ghaydit.

⁹ Nibwat geat fuga hees bea buuneeda ghoah fuga ASEETA Abrahamu. Aba gideaba uurda ng'eanyiida gwanda heeda ASEETA; niny ea ghaambiidaat muuchi!