NYIIGHEEGA 43 - Bibliyeeda Ghaydit

Mooshta ASEETA bea siida mang'aw

¹ Ea NG'UTAMIIDA, argweaksean ak giweachaan aba eemeeda mii doobiiweadi; lealnean aba heeda siida muy mii doabiiwaat!

² Aba gideaba ang'iing'i guwoosi ASEETA was uurdeanyu; ghwasaan inyas gijaktanean? Ghwasaan inyas geawi nea geagiisanyi aba gidasawandanean weajoocheanda?

³ Eaniyean nung' ghwahidu weeshindaang'u ea huumeandaang'u; ak ginung' ghoadoabiiwan, nung' ghoahiitanaan saawa giijeadaang'u ghaydit ea dahita heeda iibiiti!

⁴ Ak abeeda gaydawa heeda wagiida bea ASEETA, heeda ASEETA was hooseaneegeasu; ea ghweelmeedeanyu ak gaydaaghaambiinyi aba gidoondooriida, Ea ASEETA was ASEETEANYU.

⁵ Gurooroodeanyu ghwasaan inyas geejakseey ng'eanyi nea gigiisani aba jeedeanyu? Ghusa ASEETA; aba gideaba gaydabiikta gicha daaghaambiit niny lealnoocheandeanyu ea ASEETEANYU.