NYIIGHEEGA 36 - Bibliyeeda Ghaydit

Munyinda siida

¹ Riing'eeda iissa goobalool siida muy aba jeeda gurooroadaanyi; ak ea manda gheawalmeeda ASEETA madeeda gheanyangaaschi.

² Aba gideaba iissa ghoamiidu geaw aba madeeda gheanyangaaschi niny ghaghay gili munyindaanyi mwajeadaaha ak geamwaashta.

³ Ng'asheega ghuutaanyi munyinda gil ea ng'uyeega; ninung'waada gagadiyeata weaghuumeeda ak gwasin ng'asheega miyaas.

⁴ Iissa gooteemsheesa ng'asheega munyas aba bulaliidaanyi; ak ghwayiin geaw jeeda naweeda muy; ak ea mwasida ng'asheega munyas.

Miyinda ASEETA

⁵ Ea NG'UTAMIIDA, bariinyeagaagu gaweay ea ghwahita humng'eeda, doobiiwnataang'u ghwahita shamooghuutka.

⁶ Doobiiwnataang'u gawuurji giijeega ASEETA, girgweaguutkaagu gawuurji basooda sheagi jih; Ea NG'UTAMIIDA, ang'iing'i gilealu buuneeda ea diyeanga.

⁷ Ea ASEETA, aba giteena hawunda bariinyeagaagu! Buuneeda gamng'awsa jirooneeda meang'eagaagu.

⁸ Gaygwalang'u aba baruureegeaba gheang'u, ak giileaydi aba eenda alooheadaang'u.

⁹ Aba gideaba headaang'u gwanda gheanyanga eeniga eaweega; aba jeeda weeshindaang'u gajeadaaha weeshinda.

¹⁰ Amajeega bariinyeagaagu aba heeda fuga nalnyi, nea fuga miyaasiin gurooruunat giimiidu muuchi aba heanyaawa!

¹¹ Geeshta fuga ghwarjeeda adagwaneekiisean, nea geatinda fuga miidoobiiweadi ea adaghahoanan.

¹² Hoowa heeda abeedeaysa fuga sina ng'asheega munyasi, sibeaysa ng'eanyi ak ea mayghoamu ghamiinaada.