NYIIGHEEGA 34 - Bibliyeeda Ghaydit

Giigheambiita aba alooheeda ASEETA

¹ Gaydaaghaambiit NG'UTAMIIDA damanyoojiga sean, giigheambiitaanyi gwanda ghuutaanyi galeaga sean.

² Gurooroodeanyu ghaghwar geaw aba heeda NG'UTAMIIDA, dayiinya fuga ng'arng'ari ak gahoosan.

³ Oakghaambiida NG'UTAMIIDA sea aniini, asi eehoosasiina gheawungaaschi eesa sean!

⁴ Aniini geagaseadayi NG'UTAMIIDA ak ghwasha ghuuteanyu, ak ghoahaabwan aba muuwdeanyu sean.

⁵ Ayamsiina geat niny ak ghoamu gheanyangeagwa ghoang'wearda, ak ea mayghabwaspwas gheanyangeagwa.

⁶ Siisi bwarbwariin gaguurda, ak ghwayiiy NG'UTAMIIDA ghuutaanyi, ak gwalealu aba jeeda sawanaduutkaaschi sean,

⁷ Malaykajeanda NG'UTAMIIDA iissa goobiida heedeaba fugiga awali gheang'daanyiin ak gwalealu saawa.

⁸ Asamni ak ghoadaayi gideaba NG'UTAMIIDA aamiy! Ghang'wana siidida ghus ninyiin!

⁹ Asisiina NG'UTAMIIDA mureeda, agoogeeda oowooschi fugaaschi ghaydidi, aba gideaba fugiga awali ninyiin manda gichea gagasa!

¹⁰ Dayeega ng'anyeeka ghoang'wa gwalilda jalooda; nea fuga gaseadayi NG'UTAMIIDA ea mayghwashoadeawa gida wasean miy.

¹¹ Ea diibiga, apkaani, ooleeysean iit, ak gaydaanaaleagwa gichea asisiinda NG'UTAMIIDA mureeda.

¹² Nih ng'eaha siidida gasa eaweegean, gaseadayi eaweega geawi ak abeeda ghwanyas gea miyaas?

¹³ Adealana ng'ushaptaang'u gidamuy, ea ghuutaang'u aba rukunooda ng'asheega munyas.

¹⁴ Nung'waada ng'asheega munyas, ak gisini gea miyaas; gasa hoyyoo, ak giyaadi geeshta.

¹⁵ Gheanyanga NG'UTAMIIDA gagal fuga doobiiweadi, nea iidigaaschi gagal shooka nyaawa.

¹⁶ Gheanyanga NG'UTAMIIDA magasa fuga sina ng'asheega munyas, gageanda giipkeata nyaawa aba badayda ng'eanyiida.

¹⁷ Iyayeawda fuga doobiiweadi nea gagasa weeta, hean ghwayiiy NG'UTAMIIDA, ak gwalealna saawa jeeda sawanaduutka nyaawa sean.

¹⁸ NG'UTAMIIDA ea neekeewa fuga nyareadi gurooruunat, nea gea ninyara gurooruunatka gwalealu.

¹⁹ Sawanaduutka fuga doobiiweadi aasaang'a; ak gaygwalealna NG'UTAMIIDA suh seaniin.

²⁰ Iissa gafur geakaaschi sean; ak ea manda earagi dea nigiinya.

²¹ Munyinda gayghabwar siida mii doabiiwaat; nea fuga sit siida doabiiwaat gajeergweaksa.

²² NG'UTAMIIDA iissa gwalealu eaweega fugaaschi bea gadiyeeda; nea majeergweaksa buuneesean mang'awsa headaanyi.