NYIIGHEEGA 149 - Bibliyeeda Ghaydit

Duumda giigheambiita

¹ Oakghaambiida NG'UTAMIIDA! Asarmasiina NG'UTAMIIDA duumdeesh, giigheambiitaanyi aba jeeda fuga bwat geat doobiiweadi!

² Israeli dahoosana aba badayda dea ghayi bwat, orjooga Sayuni dahoosana aba badayda Sugoocheanda nyaawa!

³ Dahoosasiina saawa gheawungaaschi nea ghang'was, asarmasiina niny aba gidoondooriida ea gureayeeka!

⁴ Aba gideaba NG'UTAMIIDA iissa gafuuf aba jeeda fugaaschi; iissa goohoosan fuga ng'eeni aba jooriischooda.

⁵ Fuga doobiiweadi dahoosana aba jeeda giigheambiita; ak ea dasarmana saawa aba hooseaneega aba bulaleenga nyaawa.

⁶ Giigheambiita haw bea ASEETA deabiidana ghuusiga nyaawa nea gwanda geatinga nyaawa ng'uta shideadi meadajeega sean,

⁷ ak ghawalda mureandooda aba badahuuka eemoojiga nea gwasawan eemoojiga buuneeda,

⁸ ak ghwarat sugoodiga nyaawa aba munyaloalajeega ea fuga nyaawa hees aba gharinga sinaaw,

⁹ ak gwasissa saawa girgweageeda sing'waar! Nih giigheambiita aba heeda fugaaschi sean doobiiweadi. Oakghaambiida NG'UTAMIIDA!