NYIIGHEEGA 145 - Bibliyeeda Ghaydit

Sarmeeda duumsheesiinda

¹ Ea ASEETEANYU was sugoocheanda, gaydaaghaambiinyi, ak gaydabadiischeesa gheawungaagu damanda manda muudeanooda.

² Gaydaaghaambiinyi galeaga sean, ak gaydaduumsheesa gheawungaagu damanda manda muudeanooda.

³ NG'UTAMIIDA dea haw gil, ak geeduumsheesa muuchi, nea hawundaanyi ea mwoamu eesikteawa.

⁴ Seaygeanagi gayghaghwar gadiyoojigaagu aba hichpa seayga nuut, ak gaygwarukwiida gadiyoojigaagu hees.

⁵ Gaydabaloola badayda giigheambiita ea alooheadaang'u, ak gaydasikteawa gadiyoojigaagu deamdeameadi.

⁶ Buuneeda gaygwarukwiida heesinyeeka gadiyoojigaagu deamdeameadi, ak aniini gaydarukwiida hawundaang'u.

⁷ Gaygwarukwiida nea ghoaghaambiit alooheadaang'u haw, nea gwasarman aba badayda doobiiwnataang'u nea goojuur.

⁸ NG'UTAMIIDA gwandeawa bariinyeega ea baydeayda, ak ea mii asas nyaras ak gwandeawa bariinyeega.

⁹ NG'UTAMIIDA ea miy aba heeda buuneesean, nea baydeaydaanyi gwanda badahuuka haleanjeadaanyi sean ghayi sin.

¹⁰ Ea NG'UTAMIIDA, gadiyoojigaagu sean gaygabadiischooweey, nea fugaagu sean ghaydidi gaygabadiischooweey!

¹¹ Gaygabaloola iita alooheeda sugoocheanduumeadaang'u, nea gwaruku iita uurdaang'u,

¹² ak ghoadaw buuneeda iita gadiyoojigaaschi hees, ea giigheambiita daamdaamwaat bea sugoocheanduumeadaanyi

¹³ Sugoocheanduumeadaanyi sugoocheanduumeeda manda muudeanooda, nea gheambalmeadaanyi gaygoobiida aba seaygoojiga sean. NG'UTAMIIDA ea doabiiwaat aba ng'asheagaaschi sea, ak gwandeawa bariinyeega aba gadiyoojigaaschi sean.

¹⁴ NG'UTAMIIDA iissa ghwanung' ghamiinaada buuneesean abeedeayi, ak gwadiiw buuneesean sisawan.

¹⁵ Gheanyanga haleanjeeda sean gang'uleey, ak giidawi daghwarda nyaawa aba damanda hit.

¹⁶ Iissa giiyaawi geatindaang'u, ak ginung' gwalang'u giliwas mideawa eaweega aba gidagasa.

¹⁷ NG'UTAMIIDA ea doabiiwaat aba naweadingaaschi sean, ak ea inya jih aba gadiyoojigaaschi sean.

¹⁸ NG'UTAMIIDA ea neekeewa buuneesean guuriisa niny, buuneesean guuriisa gheawungaaschi aba huumwa.

¹⁹ Gayghoadaw fuga bada niny haleanjeeda gasa, ak gayghwayiiy shooka nyaawa, ak gwalealu saawa.

²⁰ NG'UTAMIIDA iissa ghoaghu buuneesean bwariiy niny; nea fuga sean munyas gayghwalas uhuuda.

²¹ Ghuuteanyu gaygwaruku giigheambiita NG'UTAMIIDA, nea haleanjeeda sean ea daaghaambiida gheawungaaschi ghaydit damanda manda muudeanooda.