NYIIGHEEGA 136 - Bibliyeeda Ghaydit

Duumda badiischooda

¹ Abadiischeesiina NG'UTAMIIDA, aba gideaba aamiy, aba gideaba bariinyeagaaschi gaygoobiida damanda manda muudeanooda.

² Abadiischeesiina ASEETA aseecheeka, aba gideaba bariinyeagaaschi manda muudeanooda.

³ Abadiischeesiina Ng'utamiida ng'utamoojiga, aba gideaba bariinyeagaaschi manda muudeanooda;

⁴ niny nea gaba geaw gwasina deamdeamanga hees, aba gideaba bariinyeagaaschi manda muudeanooda;

⁵ ninyeeda ghayi sin humng'eeda aba fughareadaanyi, aba gideaba bariinyeagaaschi manda muudeanooda;

⁶ ninyeeda ghayi bwat ng'eanyiida aba badayda beega, aba gideaba bariinyeagaaschi manda muudeanooda;

⁷ ninyeeda ghayi bwat gheaboonyanga hees, aba gideaba bariinyeagaaschi manda muudeanooda;

⁸ ak goombal aseeta askweari, aba gideaba bariinyeagaaschi manda muudeanooda;

⁹ ak goombaliischi sheeda ea miinga eawa, aba gideaba bariinyeagaaschi manda muudeanooda;

¹⁰ ninyeeda ghayi bwar duweachajeega Misri, aba gideaba bariinyeagaaschi manda muudeanooda;

¹¹ ak gooruuna Israeli bugusta nyaawa, aba gideaba bariinyeagaaschi manda muudeanooda;

¹² aba geatinda hoauur bea gheambalmeeda, aba gideaba bariinyeagaaschi manda muudeanooda;

¹³ ninyeeda bwaash bugusta basooda Shaamu; aba gideaba bariinyeagaaschi manda muudeanooda;

¹⁴ ak ghwanung' ghwalach bugusta fuga Israeli; aba gideaba bariinyeagaaschi manda muudeanooda;

¹⁵ ak ghabwaay Farao ea lugoadaanyi aba bugusta basooda Shaamu; aba gideaba bariinyeagaaschi manda muudeanooda;

¹⁶ ninyeeda ghayi asheedeawa buuneadaanyi aba dareapcheeda, aba gideaba bariinyeagaaschi manda muudeanooda;

¹⁷ ninyeeda ghayi bwar sugoodiga hees, aba gideaba bariinyeagaaschi manda muudeanooda;

¹⁸ ak ghabwar sugoodiga nalaat, aba gideaba bariinyeagaaschi manda muudeanooda;

¹⁹ Sihoni, was sugoocheanda Amori, aba gideaba bariinyeagaaschi manda muudeanooda;

²⁰ ea Ogu, was sugoocheanda Bashani, aba gideaba bariinyeagaaschi manda muudeanooda;

²¹ ak ghoadaw ng'eanyiida nyaawa gwahearan, aba gideaba bariinyeagaaschi manda muudeanooda;

²² ak ghoadaw fugiga Israeli was siidaanyi bea gadiyeeda, aba gideaba bariinyeagaaschi manda muudeanooda;

²³ niny dea ghayi apkaadeasa aba jeeda ng'arng'arandeanya, aba gideaba bariinyeagaaschi manda muudeanooda;

²⁴ ak gwalealneasa aba heeda weajoodigaasa, aba gideaba bariinyeagaaschi manda muudeanooda;

²⁵ ak ghoadaw gilinyoo gwandeawa saseeda hamitaanyi, aba gideaba bariinyeagaaschi manda muudeanooda;

²⁶ Abadiischeesiina ASEETA humng'eeda; aba gideaba bariinyeagaaschi manda muudeanooda.