NYIIGHEEGA 132 - Bibliyeeda Ghaydit

Duumsheesiinda gheeda sibata ASEETA

¹ Ea NG'UTAMIIDA, apkaada Dawdi, sawanaduutka sean ghayi milikghta;

² was dea aksa habeawooda NG'UTAMIIDA ak gwarasa gida dea Mideawa uurda asagi bea Yakobo,

³ “Aniini maydawa jeedeaba gheenyu ghana dawa badayda bulaliideanyu;

⁴ maydamwas ghoang'waanyan ruweanga ghana ghang'uta ghaat,

⁵ Bwak ea danyaksa NG'UTAMIIDA heechea goobiida, hoorgeeda majeek jea goobiida Dea Hoauur bea Yakobo.”

⁶ Ng'ula, siyiinyi iitaanyi aba Efrata, ak geenyasi jeeda madameega Yearimu.

⁷ “Anung' eeweaya heeda abiita ak geabwachi aba heeda hoorgeeda geeshangaaschi!”

⁸ Ea NG'UTAMIIDA, ng'eada ak guwi heeda giibindaang'u ifuufi, ang'iing'i ea sandakwajeanda neajeeda bea uurdaang'u.

⁹ Gagasa eekwealsa ashoohoodigaagu doobiiwnata, ak ginung' goojuur fugaagu ghaydidi aba hooseaneega.

¹⁰ Aba badayda Dawdeeda was siidaang'u bea gadiyeeda; adiheawi siidaang'u was sugoocheanda ghayi iimbiidi.

¹¹ NG'UTAMIIDA niyeaksa habeawooda Dawdi aba ng'asheanda huumwa was dea mayghwayamwa geaw: “Baleanjagi aba jeeda orjooga saseadaang'u gaydayiin uhuuda hoorgeadaang'u bea gheambalmeeda.

¹² Orjoagaagu iyang'waay neajeedeanyu ea ng'asheegeasu jea daanaal saawa, abeeda eara orjooga nyaawa gaygoobiida uhuuda hoorgeadaang'u bea gheambalmeeda manda muudeanooda.”

¹³ Aba gideaba NG'UTAMIIDA niloat Sayuni; ak ea nigasa goobiida jeeda;

¹⁴ “Nih hoorgeeda giibindeanyu bea miyeenooda damanda manda muudeanooda; hiji gaydeabiida aba gideaba geagasayi.

¹⁵ Aba huumwa gaydabadiischeesa hamichoojigaaschi; gaydealang'u fugaaschi bearji jalooda aba hamita.

¹⁶ Nea ashoohoodigaaschi gaydeakwealsa lealeanooda, nea fugaaschi ghaydidi gaygoojuur aba hooseaneega.

¹⁷ Abeeda gaydearuudu gujaweeda Dawdi; ak ea neasinyi gheaboong'nyeanda siideanyu aamwaarji.

¹⁸ Ak gaydeakwealsa weajoodigaaschi baspaseega, nea uhuudaanyi gayghwadaamdaam shiipkaaschi.”