NYIIGHEEGA 130 - Bibliyeeda Ghaydit

Musooda weeta

¹ Ea NG'UTAMIIDA, geayeawuseey aba jeeda beega saang'a sheagi jih!

² Ng'utamiida, iinya ghuuteanyu! Nung' ghwayiiy iidigaagu gida aamoashti ghawooda!

³ Ea NG'UTAMIIDA, inyeeda gwachi gajiita giidiinyeanyeeka, Ng'utamiida, gayghamiinaada ng'eaha?

⁴ Iidu headaang'u gwanda samsiinda, ak abeeda geawal gheang'daang'u.

⁵ Aniini ghaamuughu NG'UTAMIIDA, ghoamuughu gurooroodeanyu niny, ak aniini ghaaghuschi ng'asheandaanyi;

⁶ gurooroodeanyu ghoamuughu NG'UTAMIIDA ea ghang'al furiischoodiga amuughu muchuunooda, ea ghang'al furiischoodiga amuughu muchuunooda.

⁷ Ea Israeli, ghusa NG'UTAMIIDA! Aba gideaba heeda NG'UTAMIIDA gwanda bariinyeega, ak headaanyi gwanda lealeanooda haw.

⁸ Ak niny gaygwalealu Israeli ea munyindaanyi sean.