NYIIGHEEGA 12 - Bibliyeeda Ghaydit

Mooshta ASEETA bea weeta

¹ Weadeasa, NG'UTAMIIDA, aba gideaba mudugwanda siida bada ASEETA; aba gideaba fuga doobiiweadi niisha aba jeeda buuneeda.

² Iissa goobaloola geat ng'asheega ng'uyeega sea siida mideawa, fuga mideawa ghuusiga amiitu geat; ak goobaloola geat gurooruunatka amiitu geat;

³ Ea NG'UTAMIIDA, rada ghuusiga sean amiitu geat, ea ng'ushapta ruku ng'asheega ghwarjeeda;

⁴ fuga eena, “Gajeejooriischeena aba ng'ushapkeakaasa, aba gideaba geendeawi ghuusigaasa; abeeda ng'eaha gil siida haweewaneasa?”

⁵ “Aba gideaba fuga ng'arng'ari, manda uurjeenga geesawan, aba gidasawaneata fuga ng'arng'ari, asi ghamneawa gaydang'eat,” gwarugu NG'UTAMIIDA; “Gaydayiin niny heeda gasa jea gaba seayu.”

⁶ Ng'asheega NG'UTAMIIDA ng'asheega miyaas, gawuurji lapiyeeda sisna duwayda aba badayda ng'eanyiida, siihuun niba ispwa.

⁷ NG'UTAMIIDA, ang'iing'i guwoosi siida ammu ghaweadeasa, ahaaghwaneasa aba seaygeani munyasiin damanda manda muudeanooda.

⁸ Fuga mii doobiiweadi gwasik meadajeega sean, nea gwaheedu munyinda aba jeeda buuneeda.