NYIIGHEEGA 110 - Bibliyeeda Ghaydit

NG'UTAMIIDA ea sugoocheanda siloat

¹ NG'UTAMIIDA gwayeesha ng'utamiideanyu: “Apteada aba geatindeanyu bea dugwa, bwak ea danung' ghoah weajoodigaagu hoorgeeda geeshangaagu.”

² NG'UTAMIIDA gaygoojeakna Sayuni bileangidaang'u mideawa uurda, ak gajambaliischeena aba bugusta weajoodigaagu!

³ Fugaagu gayghapka headaang'u aba jeesinga nyaawa eaweeda jea beawana ak gibwari weajoodiga aba iheenga giijeega ghaydidi. Ghapka gheareemangaagu nea gawuurji rahoodeaba sakteayda

⁴ NG'UTAMIIDA niyaak habeawooda ak ea mayghwayam geaw, “Ang'iing'i guwoosi ashoohoocheanda damanda manda muudeanooda nea gawuurji sea Melkisedeki.”

⁵ NG'UTAMIIDA gwanda geatindaang'u bea dugwa; gayghabwar sugoodiga damanda jea ghwanyareasa.

⁶ Ak gaygoorgweach aba bugusta eemoojiga ak gayghoanyiit ng'eanyiida muscheeka ak gayghabwar sugoodiga badayda ng'eanyiida.

⁷ Ak gayghwali beega ghealooda mida naweeda; abeeda gaygagatkat uhuudaanyi aba jooriischooda.