NYIIGHEEGA 11 - Bibliyeeda Ghaydit

Rarooda NG'UTAMIIDA

¹ NG'UTAMIIDA dea eafachsi; ghwasaan anda gooyeeshi gurooroodeanyu, “Mang'awda dariideanda ea hita giijeega;

² aba gideaba daaha, fuga munyas niradu ghuweanga, ak ea nighasa geatka nyaawa fuweanda, ak gafu fuga doobiiweadi aba jeeda misaneeda;

³ ak iisinyarja sindeecheeka, abeeda siida doabiiwaat gaygwasin naaha?”

⁴ NG'UTAMIIDA gwanda jeedeaba gheanyi ghaydit sibata ASEETA, hoorgeeda NG'UTAMIIDA gwanda humng'eeda; gheanyangaaschi gang'ulu, jiiweega gheanyangaaschi gwasima diibiga buuneeda.

⁵ NG'UTAMIIDA gwasima siida doabiiwaat ea dea muy, ak gurooroadaanyi ghwasit siida bwariiy jaliida.

⁶ Ak gaygwaroobassa fuga munyas roopta rarayga yeat ea giikayda ea lagheaneeda ak ghwalas aba jeameeda ng'waan ghoah gisiitaw was gikoombeeyda nyaawa.

⁷ Aba gideaba NG'UTAMIIDA ea doabiiwaat, ak ghabwariiy ng'asheega doobiiweadi, nea fuga munyas gurooruunat gayghwadaah gheamamdaanyi.