NEHEMIYA 1 - Bibliyeeda Ghaydit

¹ Suh ng'asheega Nehemiya orjeeda Hakaliya. Damanda eandeewi mujiineeda Susa, bea sheeda siguura Gisilefu, bea gweaydeaba diktam,

Nehemiya ghamwaash ASEETA aba badayda Yerusalemu

² ghwahidu Hanani was siyagi was orjeediyya, nea goodeana buuneeda nea gwaleabu Yuda; ak ghaanyaashchi saawa iita fuga Yahudi ghayi ghuh was gheaptanga aba giibaleakta, ea iita Yerusalemu.

³ Ak geeyeeshiinean, “Fuga ghayi abit aba giibaleakta mida ng'eanyiita gwanda jeeda sawanadeeda haw muuchi nea ghamarda Yerusalemu ea sinyarja ak dooshinga ea niduulu beasta.”

⁴ Iidu nea ghayiinyi ng'asheesu geapteadi ak geayeawdi, ak geanyahuushi ea dageanu eawoojiga; nea gealuudi geaw nea ghaamwaashchi ASEETA mida humng'eeda.

⁵ Ak geayeenyi, “Ea NG'UTAMIIDA was ASEETA humng'eeda, haw siiwali ASEETA amajeegi neajeadaanyi ea bariinyeega huumwa aba heeda gea bwariiy niny nea geang'waay diigheanyeekaaschi;

⁶ aleaydiit, ak ginung' ghwajaada gheanyangaagu ak giileeysiit gidamwaash siidaang'u bea gadiyeeda ghamneawa aamoashchi aba madeadaang'u askweari ea eawa aba badayda fuga Israeli was fugaagu bea gadiyeeda, geaduukuuni aba badayda riing'eeda fuga Israeli, ghayi sisinyi aba badaydaang'u. Aniini ea gheeda ghweanigeasu siitiinyi.

⁷ Sisinyi ng'asheega munyas saang'a aba badaydaang'u, ak ea miyeeng'waanya digheanyeeka, ea deaweedeeda ghayi irukusi Musa was siidaang'u bea gadiyeeda.

⁸ Apkaada ng'asheanda ghayi irukusi Musa was siida gadiyeeda, iyeeshi, ‘Inyas gootiinyi gaydaadaardaneegwa aba bugusta buuneeda;

⁹ ama inyas goobiigu heedeanyu ak ghoang'waanyi diigheanyeekeasu nea goosinyi, abeeda fugaagu ghayi dardaawaat mida meadajeega ng'eanyiida abeeda gaydabwada geat saawa ak gaydeadu saawa ea ghapka heeda ghayi aadawji, ak gayghwayiin gheawungeasu hoowa.’

¹⁰ Fiisu fugaagu bea gadiyeeda gil, ak ea fugaagu gil ghayi ilealu aba uurdaang'u hawi ea aba geatindaang'u hoauur.

¹¹ Ea NG'UTAMIIDA, aleeysiiniit mooshta ghawooda bea siidaang'u bea gadiyeeda, ea mooshta ghawooda bea fugaagu bea gadiyeeda awali gheawungaagu; ak ginung' danyagaada askweareani, ak ginung' danyas baydeayda aba madeedeaba siisi.” Aba gideaba aniini geadawayi gichea ghwali sugoocheanda.